നി​ക്ഷേ​പ​ക​ര്‍ വി​പ​ണി​യി​ലേ​ക്ക് മ​ട​ങ്ങി​വ​രു​ന്നു

ബി​സി​ന​സ് ലേ​ഖ​ക​ൻ

കൊ​ച്ചി: ആ​ഗോ​ള സാ​മ്പ​ത്തി​ക മേ​ഖ​ല ക​ടു​ത്ത അ​നി​ശ്ചി​ത​ത്വ​ത്തി​ല്‍ നീ​ങ്ങു​മ്പോ​ഴും ഇ​ന്ത്യ​ന്‍ ഓ​ഹ​രി വി​പ​ണി മി​ക​ച്ച പ്ര​ക​ട​നം തു​ട​രു​ന്ന​തി​നാ​ല്‍ ആ​ഭ്യ​ന്ത​ര നി​ക്ഷേ​പ​ക​ര്‍ക്ക് ആ​വേ​ശ​മേ​റു​ന്നു.

ഓ​ഹ​രി വ്യാ​പാ​ര​ത്തി​ല്‍ പ​ങ്കാ​ളി​ക​ളാ​കു​ന്ന​തി​ന് ആ​വ​ശ്യ​മാ​യ ഡീ​മാ​റ്റ് അ​ക്കൗ​ണ്ടു​ക​ളു​ടെ എ​ണ്ണ​ത്തി​ല്‍ ഏ​പ്രി​ല്‍ മാ​സം മി​ക​ച്ച വ​ള​ര്‍ച്ച​യാ​ണ് ദൃ​ശ്യ​മാ​യ​തെ​ന്ന് സ്റ്റോ​ക്ക് എ​ക്സ്ചേ​ഞ്ചി​ല്‍ നി​ന്നു​ള്ള ക​ണ​ക്കു​ക​ള്‍ സൂ​ചി​പ്പി​ക്കു​ന്നു. മൊ​ത്തം ഡീ​മാ​റ്റ് അ​ക്കൗ​ണ്ടു​ക​ളു​ടെ എ​ണ്ണം ക​ഴി​ഞ്ഞ മാ​സം 11.6 കോ​ടി​യാ​യാ​ണ് ഉ​യ​ര്‍ന്ന​ത്.

ലോ​ക​ത്തി​ലെ പ്ര​മു​ഖ വി​പ​ണി​ക​ള്‍ പ​ല​തും ക​ഴി​ഞ്ഞ ആ​റു മാ​സ​മാ​യി ക​ന​ത്ത വി​ല്‍പ്പ​ന സ​മ്മ​ർ​ദം നേ​രി​ടു​മ്പോ​ഴും ഇ​ന്ത്യ​ന്‍ ഓ​ഹ​രി​ക​ള്‍ വ​ന്‍ മു​ന്നേ​റ്റ​മാ​ണ് കാ​ഴ്ച​വെ​ക്കു​ന്ന​ത്. രാ​ജ്യ​ത്തെ സാ​മ്പ​ത്തി​ക മേ​ഖ​ല മി​ക​ച്ച വ​ള​ര്‍ച്ച തു​ട​രു​ന്ന​തി​നാ​ല്‍ വി​ദേ​ശ നി​ക്ഷേ​പ സ്ഥാ​പ​ന​ങ്ങ​ള്‍ ഉ​ള്‍പ്പെ​ടെ ഇ​ന്ത്യ​ന്‍ ഓ​ഹ​രി​ക​ളി​ലേ​ക്ക് വ​ന്‍ തോ​തി​ല്‍ പ​ണ​മൊ​ഴു​ക്കു​ക​യാ​ണ്. ഇ​തോ​ടെ ഏ​പ്രി​ലി​ല്‍ മു​ഖ്യ ഓ​ഹ​രി സൂ​ചി​ക​ക​ളാ​യ സെ​ന്‍സെ​ക്സും നി​ഫ്റ്റി​യും നാ​ല് ശ​ത​മാ​ന​ത്തി​ല​ധി​കം വ​ർ​ധ​ന​യാ​ണ് നേ​ടി​യ​ത്.

അ​മെ​രി​ക്ക​യി​ലും യൂ​റോ​പ്പി​ലും നാ​ണ​യ​പ്പെ​രു​പ്പ ഭീ​ഷ​ണി ഒ​ഴി​യാ​ത്ത​തി​നാ​ല്‍ കേ​ന്ദ്ര ബാ​ങ്കു​ക​ള്‍ പ​ലി​ശ നി​ര​ക്ക് വീ​ണ്ടും ഉ​യ​ര്‍ത്തു​ന്ന​തി​നാ​ല്‍ അ​വി​ടെ സാ​മ്പ​ത്തി​ക മേ​ഖ​ല അ​തി​രൂ​ക്ഷ​മാ​യ മാ​ന്ദ്യ​ത്തി​ലേ​ക്ക് നീ​ങ്ങു​ക​യാ​ണ്. ഇ​തി​നാ​ലാ​ണ് വ​ന്‍കി​ട ഹെ​ഡ്ജ് ഫ​ണ്ടു​ക​ളും മ​റ്റ് നി​ക്ഷേ​പ സ്ഥാ​പ​ന​ങ്ങ​ളും മി​ക​ച്ച സാ​മ്പ​ത്തി​ക വ​ള​ര്‍ച്ച തു​ട​രു​ന്ന ഇ​ന്ത്യ​യി​ലെ ക​മ്പ​നി​ക​ളു​ടെ ഓ​ഹ​രി​ക​ള്‍ വാ​ങ്ങി​ക്കൂ​ട്ടു​ന്ന​ത്.

ചി​ല്ല​റ വി​ല സൂ​ചി​ക അ​ടി​സ്ഥാ​ന​മാ​യു​ള്ള നാ​ണ​യ​പ്പെ​രു​പ്പം റി​സ​ര്‍വ് ബാ​ങ്ക് ല​ക്ഷ്യ​മി​ടു​ന്ന ആ​റു ശ​ത​മാ​ന​ത്തി​ലും താ​ഴെ​യെ​ത്തി​യ​തി​നാ​ല്‍ ഇ​ന്ത്യ​യി​ല്‍ പ​ലി​ശ വ​ർ​ധ​ന ന​ട​പ​ടി​ക​ള്‍ മ​ര​വി​പ്പി​ക്കു​മെ​ന്നാ​ണ് ധ​ന​കാ​ര്യ വി​ദ​ഗ്ധ​ര്‍ വി​ല​യി​രു​ത്തു​ന്ന​ത്. രാ​ജ്യാ​ന്ത​ര വി​പ​ണി​യി​ല്‍ അ​സം​സ്കൃ​ത എ​ണ്ണ​യു​ടെ വി​ല ഗ​ണ്യ​മാ​യി കു​റ​ഞ്ഞ​തി​നാ​ല്‍ നാ​ണ​യ​പ്പെ​രു​പ്പ യു​ദ്ധ​ത്തി​ന് റി​സ​ര്‍വ് ബാ​ങ്ക് ത​ത്കാ​ല​ത്തേ​ക്ക് തു​നി​യി​ല്ലെ​ന്നും അ​വ​ര്‍ ചൂ​ണ്ടി​ക്കാ​ട്ടു​ന്നു.

വി​ല​ക്ക​യ​റ്റ​ത്തി​ന് ത​ട​യി​ടാ​ന്‍ പെ​ട്രോ​ള്‍, ഡീ​സ​ല്‍ തു​ട​ങ്ങി​യ ഉ​ത്പ​ന്ന​ങ്ങ​ളു​ടെ എ​ക്സൈ​സ് തീ​രു​വ വീ​ണ്ടും കു​റ​യ്ക്കാ​ന്‍ കേ​ന്ദ്ര സ​ര്‍ക്കാ​ര്‍ ആ​ലോ​ചി​ക്കു​യാ​ണെ​ന്നും വാ​ര്‍ത്ത​ക​ളു​ണ്ട്. അ​തി​നാ​ല്‍ സെ​പ്റ്റം​ബ​റി​ന് ശേ​ഷം ന​ട​ക്കു​ന്ന റി​സ​ര്‍വ് ബാ​ങ്കി​ന്‍റെ വാ​യ്പാ​ന​യ അ​വ​ലോ​ക​ന യോ​ഗ​ത്തി​ല്‍ മു​ഖ്യ പ​ലി​ശ നി​ര​ക്കി​ല്‍ കാ​ല്‍ ശ​ത​മാ​നം കു​റ​വു​ണ്ടാ​വാ​നും സാ​ധ്യ​ത​യു​ണ്ട്.

സാ​മ്പ​ത്തി​ക മേ​ഖ​ല മി​ക​ച്ച ഉ​ണ​ര്‍വി​ലേ​ക്ക് തി​രി​ച്ചെ​ത്തി​യാ​ല്‍ അ​ടു​ത്ത വ​ര്‍ഷം ബോം​ബെ ഓ​ഹ​രി സൂ​ചി​ക ഒ​രു ല​ക്ഷം ക​ട​ക്കു​മെ​ന്ന് കൊ​ച്ചി​യി​ലെ പ്ര​മു​ഖ ബ്രോ​ക്കി​ങ് സ്ഥാ​പ​ന​ത്തി​ലെ ചീ​ഫ് അ​ന​ലി​സ്റ്റാ​യ സ​ന​ല്‍ എ​ബ്ര​ഹാം പ​റ​യു​ന്നു. ഈ ​അ​വ​സ​രം ഉ​പ​യോ​ഗ​പ്പെ​ടു​ത്താ​നാ​യി ഓ​ഹ​രി വി​പ​ണി​യി​ലേ​ക്ക് പു​തി​യ നി​ക്ഷേ​പ​ക​രു​ടെ ഒ​ഴു​ക്കി​ന് തു​ട​ക്ക​മാ​യെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു.

അ​തേ​സ​മ​യം ഊ​ഹ​ക്ക​ച്ച​വ​ട​ത്തി​ല്‍ അ​ധി​ഷ്ഠി​ത​മാ​യ പ്ര​തി​ദി​ന വ്യാ​പാ​രം ഗ​ണ്യ​മാ​യി കു​റ​യു​ക​യാ​ണെ​ന്നാ​ണ് ക​ണ​ക്കു​ക​ള്‍ സൂ​ചി​പ്പി​ക്കു​ന്ന​ത്. ആ​ക്റ്റീ​വ് യൂ​സേ​ഴ്സി​ന്‍റെ എ​ണ്ണ​ത്തി​ല്‍ തു​ട​ര്‍ച്ച​യാ​യ പ​ത്താം മാ​സ​വും ഇ​ടി​വ് നേ​രി​ട്ടു. ദീ​ര്‍ഘ​കാ​ല നി​ക്ഷേ​പ​ക​രാ​ണ് ഇ​പ്പോ​ള്‍ വി​പ​ണി​ക്ക് ക​രു​ത്ത് പ​ക​രു​ന്ന​തെ​ന്ന് സ്റ്റോ​ക്ക് ബ്രോ​ക്ക​ര്‍മാ​ര്‍ പ​റ​യു​ന്നു.