കേന്ദ്ര ബജറ്റ് ഒറ്റനോട്ടത്തിൽ | പ്രധാന പ്രഖ്യാപനങ്ങൾ അറിയാം

അടിസ്ഥാന സൗകര്യ വികസനം: രാജ്യത്തെ അടിസ്ഥാന സൗകര്യ വികസനത്തിനായുള്ള മൂലധന ചെലവ് (Capex) 12.2 ലക്ഷം കോടി രൂപയായി ഉയർത്തി.

റെയിൽവേ: വിവിധ നഗരങ്ങളെ ബന്ധിപ്പിച്ച് ഏഴ് പുതിയ ഹൈസ്പീഡ് കോറിഡോറുകളും പശ്ചിമ ബംഗാളിലെ ദാങ്കുനി മുതൽ ഗുജറാത്തിലെ സൂറത്ത് വരെ പുതിയ ചരക്ക് നീക്ക പാതയും (Dedicated Freight Corridor) പ്രഖ്യാപിച്ചു.

വിദ്യാഭ്യാസവും സ്ത്രീക്ഷേമവും: രാജ്യത്തെ എല്ലാ ജില്ലകളിലും ഓരോ പെൺകുട്ടികളുടെ ഹോസ്റ്റലുകൾ വീതം സ്ഥാപിക്കും.

ഇലക്ട്രോണിക്സ് നിർമാണം: ഇലക്ട്രോണിക്സ് നിർമാണ മേഖലയ്ക്കുള്ള വിഹിതം 40,000 കോടി രൂപയായി വർധിപ്പിച്ചു.

ബയോഫാർമ: ബയോഫാർമ മേഖലയിൽ അടുത്ത അഞ്ച് വർഷത്തിനുള്ളിൽ 10,000 കോടി രൂപയുടെ നിക്ഷേപം നടത്തും.

നികുതി ഇളവ്: ഇന്ത്യയിലെ ഡാറ്റാ സെന്ററുകൾ ഉപയോഗിച്ച് ആഗോളതലത്തിൽ ക്ലൗഡ് സേവനങ്ങൾ നൽകുന്ന വിദേശ കമ്പനികൾക്ക് 2047 വരെ ടാക്സ് ഹോളിഡേ പ്രഖ്യാപിച്ചു.

ധനക്കമ്മി: 2026-27 സാമ്പത്തിക വർഷത്തിൽ ധനക്കമ്മി ജി.ഡി.പി.യുടെ 4.3 ശതമാനമായി കുറയ്ക്കാൻ ലക്ഷ്യമിടുന്നു.

കടം-ജി.ഡി.പി അനുപാതം: രാജ്യത്തിന്റെ കടം-ജി.ഡി.പി അനുപാതം 55.6 ശതമാനമായി കുറയ്ക്കും.

ഓഹരി വിപണി: കമ്മോഡിറ്റി ഫ്യൂച്ചറുകളുടെ സെക്യൂരിറ്റീസ് ട്രാൻസാക്ഷൻ ടാക്സ് (STT) 0.05 ശതമാനമായി വർധിപ്പിച്ചു.

പ്രതിപക്ഷ പ്രതികരണം: ബജറ്റിൽ പുതുമകളൊന്നുമില്ലെന്നും നിരാശാജനകമാണെന്നും കോൺഗ്രസ് പ്രതികരിച്ചു.