കൊച്ചി: സംസ്ഥാനത്ത് വ്യാഴാഴ്ചയും സ്വർണവില ഉയർന്നു. പവന് 280 രൂപ വര്ധിച്ച് ഒരു പവന് സ്വര്ണത്തിന്റെ വില 49,360 രൂപയായി. ഗ്രാമിന് 35 രൂപയാണ് വര്ധിച്ചത്. 6170 രൂപയാണ് ഒരു ഗ്രാം സ്വര്ണത്തിന്റെ വില.
6 ദിവസങ്ങൾക്ക് ശേഷം ഇന്നലെയും വില വർധിച്ചിരുന്നു. രണ്ടുദിവസത്തിനിടെ 440 രൂപയാണ് വര്ധിച്ചത്. അമെരിക്കൻ ഫെഡറൽ ഈ വർഷം ഫെഡറൽ പലിശ നിരക്ക് കുറയ്ക്കുമെന്ന പ്രതീക്ഷയാണ് സ്വർണ വിലയിലെ കുതിപ്പിന് കാരണമായായത്.