കൊച്ചി: സംസ്ഥാനത്ത് സ്വർണവിലയിൽ വന് ഇടിവ്. ബുധനാഴ്ച പവന് ഒറ്റയടിക്ക് 360 രൂപ കുറഞ്ഞ് ഒരു പവന് സ്വർണത്തിന്റെ വില 45,040 രൂപയായി. ഗ്രാമിന് 45 രൂപയാണ് കുറഞ്ഞത്. 5,630 രൂപയാണ് ഒരു ഗ്രാം സ്വർണത്തിന്റെ വില.
പവന് 45,400 രൂപയും ഗ്രാമിന് 5675 രൂപയുമായിരുന്നു ഇന്നലെത്തെ നിരക്ക്. ഈ മാസത്തിന്റെ തുടക്കത്തിൽ 44,560 രൂപയായിരുന്നു സ്വർണവില. പിന്നീട് 5ന് 45,760 രൂപയായി ഉയർന്ന് സ്വർണവില സർവകാല റെക്കോർഡിട്ടു. തൊട്ടടുത്ത ദിവസം 560 രൂപ താഴ്ന്ന സ്വർണവില പിന്നീടുള്ള ദിവസങ്ങളിൽ ഉയരുന്ന കാഴ്ചയാണ് കണ്ടത്.
