നാലാം ദിനവും സ്വർണവിലയിൽ ഇടിവ്

കൊച്ചി: തുടർച്ചയായ നാലാം ദിനവും സ്വർണവിലയിൽ ഇടിവിൽ. ബുധനാഴ്ച (13/08/2025) പവന് 40 രൂപ കുറഞ്ഞ് ഒരു പവന്‍ സ്വര്‍ണത്തിന്‍റെ വില 74,320 രൂപയായി. ഗ്രാമിന് 5 രൂപയാണ് കുറഞ്ഞത്. 9,290 രൂപയാണ് ഒരു ഗ്രാം സ്വര്‍ണത്തിന്‍റെ ഇന്നത്തെ വില.

75,700 ഉം കടന്ന് പുത്തന്‍ റെക്കോഡ് നിലവാരത്തിൽ സ്വർണവില എത്തുമെന്ന് കരുതിയ വിലയാണ് ശനിയാഴ്ച മുതൽ ഇടിയാന്‍ തുടങ്ങിയത്. ഇതോടെ കഴിഞ്ഞ 4 ദിവസത്തിനിടെ പവന് 1,400 രൂപയിലധികമാണ് കുറഞ്ഞത്.

ഈ മാസാദ്യം 73,200 രൂപയായിരുന്നു സ്വര്‍ണവില. ഒരാഴ്ചയ്ക്കിടെ 2,500 രൂപയിലധികം വര്‍ധിച്ച ശേഷമാണ് ശനിയാഴ്ച മുതല്‍ വില കുറയാന്‍ തുടങ്ങിയത്. അതേസമയം, വെള്ളിയുടെ വിലയിൽ മാറ്റമില്ലാതെ തുടരുന്നു. ഒരു ഗ്രാം വെള്ളിയുടെ വിപണി വില 125 രൂപയാണ്.