കൊച്ചി: സംസ്ഥാനത്ത് സ്വര്ണവിലയിൽ ഇന്ന് ഇടിവ. ഇന്ന് (18/01/2025) പവന് 120 കുറഞ്ഞു. ഇതോടെ ഒരു പവന് 59,480 രൂപയിലേത്തി. ഗ്രാമിന് 15 രൂപയാണ് കുറഞ്ഞത്. 7435 രൂപയാണ് ഒരു ഗ്രാം സ്വര്ണത്തിന്റെ വില. ഈ മാസത്തെ ഏറ്റവും ഉയര്ന്ന നിരക്കിൽ നിന്നുമാണ് സ്വര്ണവിലയുടെ ഇന്നത്തെ ഇടിവ്.
ഈ മാസത്തിന്റെ തുടക്കത്തില് 57,200 രൂപയായിരുന്നു ഒരു പവന് സ്വര്ണത്തിന്റെ വില. പിന്നീട് ഏറിയും കുറഞ്ഞു ജനുവരി 17ന് ഈ മാസത്തെ ഏറ്റവും ഉടർന്ന നിരക്കായ 59,600 രൂപയിലേത്തി. 60,000 തൊടുമെന്നു പ്രതീക്ഷിച്ച വിലയാണ് ഇന്നു ഇടിഞ്ഞത്. രാജ്യാന്തര വിപണിയിലെ മാറ്റങ്ങളും ഡോളര് ദുര്ബലമായതും അടക്കമുള്ള ഘടകങ്ങളാണ് സ്വര്ണവിലയെ സ്വാധീനിച്ചത്.
അതേസമയം വെള്ളിയുടെ വിലയിൽ മാറ്റമില്ല. ഒരു ഗ്രാം ഹാൾമാർക്ക് വെള്ളിയുടെ വില 99 രൂപയാണ്.
ഒരാഴ്ചത്തെ സ്വർണവില ഇങ്ങനെ:
ജനുവരി 11 - 58,400 രൂപ (+)
ജനുവരി 12 - 58,520 രൂപ (+)
ജനുവരി 13 - 58,720 രൂപ (+)
ജനുവരി 14 - 58,640 രൂപ (-)
ജനുവരി 15 - 58,720 രൂപ (+)
ജനുവരി 16 - 59,120 രൂപ (+)
ജനുവരി 17 - 59,600 രൂപ (+)
ജനുവരി 18 - 59,480 രൂപ (-)
