കൊച്ചി: ജോയ് ഇ-ബൈക്ക് ബ്രാന്‍ഡിന് കീഴില്‍ ഇലക്‌ട്രിക് ഇരുചക്ര വാഹനങ്ങള്‍ വിപണിയിലെത്തിക്കുന്ന ഇന്ത്യയിലെ മുന്‍നിര ഇരുചക്ര വൈദ്യുത വാഹന നിര്‍മാതാക്കളായ വാര്‍ഡ്‌വിസാര്‍ഡ് ഇന്നൊവേഷന്‍സ് ആന്‍ഡ് മൊബിലിറ്റി ലിമിറ്റഡ് പ്രശസ്ത ബോളിവുഡ് ജോഡികളായ സെയ്ഫ് അലി ഖാനെയും കരീന കപൂര്‍ ഖാനെയും ബ്രാന്‍ഡ് അംബാസഡര്‍മാരായി പ്രഖ്യാപിച്ചു.
വാര്‍ഡ്‌വിസാര്‍ഡ് അടുത്തിടെ പുതിയ റെട്രോസ്റ്റൈല് ഇലക്‌ട്രിക് ക്ലാസിക് സ്‌കൂട്ടറായ മിഹോസ് പുറത്തിറക്കിയിരുന്നു. 1 ജിഡബ്ല്യുഎച്ച് ബാറ്ററി പ്രൊഡക്ഷന് ലൈനിന്‍റെ പ്രവര്‍ത്തനങ്ങളും കമ്പനി ആരംഭിച്ചിട്ടുണ്ട്. കൂടാതെ, ഇവി അനുബന്ധ ക്ലസ്റ്ററില്‍ ആർ ആൻഡ് ഡി പ്രവര്‍ത്തനങ്ങളും ഇലക്ട്രോണിക് ഘടകങ്ങളുടെ ഉത്പാദനവും വിപുലീകരിക്കാനും കമ്പനിക്ക് പദ്ധതിയുണ്ട്.
കരുത്തുറ്റതും സ്‌റ്റൈലിഷും ക്ലാസിക്ക് ശ്രേണിയിലുള്ളതുമായ ഉത്പന്നങ്ങള്‍ക്ക് ബ്രാന്‍ഡ് അംബാസഡര്‍മാരായി സെയ്ഫ് അലി ഖാനെയും കരീന കപൂറിനെയും ഉള്‍പ്പെടുത്തുന്നതില്‍ തങ്ങള്‍ക്ക് സന്തോഷമുണ്ടെന്ന് വാര്‍ഡ്‌വിസാര്‍ഡ് ഇന്നൊവേഷന്‍സ് മൊബിലിറ്റി ലിമിറ്റഡ് ചെയര്‍മാനും മാനെജിങ് ഡയറക്റ്ററുമായ യതിന്‍ ഗുപ്‌തെ പറഞ്ഞു.
