ഇന്ത്യൻ ബാങ്കിൽ 148 ഓഫീസർ
ഇന്ത്യൻ ബാങ്കിൽ സ്പെഷ്യലിസ്റ്റ് ഓഫീസർ അവസരം. വിവിധ വിഭാഗങ്ങളിലായി 148 ഒഴിവുണ്ട്. ഓണ്‍ലൈൻ അപേക്ഷ ഏപ്രിൽ 2 വരെ. സ്കെയിൽ 1 (41 ഒഴിവ്), സ്കെയിൽ 3 (46), സ്കെയിൽ 2 (33), സ്കെയിൽ 4 (26) എന്നീ കേഡറുകളിലാണ് നിയമനം.
ജോലിപരിചയമുള്ളവർക്കാണ് അവസരം. എആർഐ വെർട്ടിക്കൽ (30 ഒഴിവ്), റിലേഷൻഷിപ് മാനെജർ എംഎസ്എംഇ (25), ക്രെഡിറ്റ് (20), ഐടി (15), റിസ്ക് മാനെജ്മെന്‍റ് (13), സെക്യൂരിറ്റി ഓഫീസർ (11), ട്രഷറി ഡീലർ (11), ഫോറെക്സ് ഓഫീസർ (10), ഇൻഫർമേഷൻ സെക്യൂരിറ്റി (7), ഡിജിറ്റൽ മാർക്കറ്റിംഗ് (4) വിഭാങ്ങളിലായാണ് ഒഴിവുകൾ.
ഓണ്‍ലൈൻ രജിസ്ട്രേഷൻ സംബന്ധിച്ച വിശദവിവരങ്ങൾ വെബ്സൈറ്റിൽ. www.indianbank.in
ഖമാരിയ ഓർഡനൻസ് ഫാക്റ്ററി: 161 ഒഴിവ്
മധ്യപ്രദേശിലെ ഖമാരിയ ഓർഡനൻസ് ഫാക്റ്ററിയിൽ 161 ഒഴിവ്. ഡെയ്ഞ്ചർ ബിൽഡിംഗ് വർക്കർ (ഡിബിഡബ്ല്യു) തസ്തികയിൽ കരാർ നിയമനമാണ്. മാർച്ച് 23 വരെ അപേക്ഷിക്കാം.
ഓർഡനൻസ് ഫാക്റ്ററികളിൽ എഒസിപി ട്രേഡിൽ (എൻസിടിവിടി) അപ്രന്‍റിസ്ഷിപ് പൂർത്തിയാക്കിയവർ, സർക്കാർ/സ്വകാര്യ സ്ഥാപനങ്ങളിലെ സർക്കാർ അംഗീകൃത എസിപി (എൻസിടിവിടി) ട്രേഡുകാർ, സർക്കാർ ഐടിഐയിൽനിന്ന് എഒസിപി ട്രേഡ് (എൻസിടിവിടി) നേടിയവർ എന്നിവർക്ക് അപേക്ഷിക്കാം.
പ്രായം 18-35 മധ്യേ. സംവരണവിഭാക്കാർക്കു പ്രായപരിധിയിൽ ഇളവ്. www.munitionsindia.in
ബിഎസ്എഫ്: എയര്‍വിങ്/എന്‍ജിനിയറിങ് ഒഴിവ്
ബോർഡർ സെക്യൂരിറ്റി ഫോഴ്സിന്റെ എയർവിംഗിലും എൻജിനിയറിങ്വിഭാഗത്തിലും വിവിധ തസ്തികകളിലായി 82 ഒഴിവ്. ഗ്രൂപ്പ് ബി, സി തസ്തികകളാണ്. ഏപ്രിൽ 14നകം ഓണ്‍ലൈനായി അപേക്ഷിക്കണം.
ബിഎസ്എഫ് എയർ വിങ്: ഗ്രൂപ്പ് സി തസ്തിക-അസിസ്റ്റന്‍റ് എയർ ക്രാഫ്റ്റ് മെക്കാനിക്, അസിസ്റ്റന്‍റ് റേഡിയോ മെക്കാനിക്, കോണ്സ്റ്റബിൾ സ്റ്റോർമാൻ.
ബിഎസ്എഫ് എൻജിനിയറിങ് ഗ്രൂപ്പ് ബി തസ്തിക-സബ് ഇൻസ്പെക്റ്റർ/ജൂണിയർ എൻജിനിയർ (ഇലക്റ്റ്രിക്കൽ, വർക്സ്). ഗ്രൂപ്പ് സി തസ്തിക: ഹെഡ് കോണ്സ്റ്റബിൾ (പ്ലംബർ, കാർപെന്‍റർ), കോണ്സ്റ്റബിൾ (ജനറേറ്റർ ഓപ്പറേറ്റർ, ജനറേറ്റർ മെക്കാനിക്, ലൈൻമാൻ).
കൂടുതൽ വിവരങ്ങൾ വെബ്സൈറ്റിൽ. https://rectt.bsf.gov.in
