ആർപിഎഫ് സബ് ഇൻസ്പെക്റ്റർ തസ്തികയിലേക്ക് വിജ്ഞാപനമായി, പ്രധാന തൊഴിൽ വാർത്തകൾ അറിയാം
ആർപിഎഫ് സബ് ഇൻസ്പെക്റ്റർ (എക്സിക്യൂട്ടീവ്) റിക്രൂട്ട്മെന്റ് 2024
കേന്ദ്ര സർക്കാരിന്റെ കീഴിലുള്ള റെയിൽവേ പ്രൊട്ടക്ഷൻ ഫോഴ്സ്(ആർപിഎഫ്), റെയിൽവേ പ്രൊട്ടക്ഷൻ സ്പെഷ്യൽ ഫോഴ്സ്(ആർപിഎസ്എഫ്) സബ് ഇൻസ്പെക്റ്റർ (എക്സിക്യൂട്ടീവ്)തസ്തികയിലേക്ക് വിജ്ഞാപനമായി. ഓൺലൈൻ അപേക്ഷകളും അപേക്ഷാഫീസും ലഭിക്കേണ്ട അവസാന തിയതി: 14-05-2024 (23.59 hours).അപേക്ഷയിൽ എന്തെങ്കിലും തെറ്റു തിരുത്താനുണ്ടെങ്കിൽ അതിന് മോഡിഫിക്കേഷൻ ഫീസടച്ച് മെയ് 24 വരെ തിരുത്താവുന്നതാണ്. എന്നാൽ ‘Create an Account’ form' ൽ പൂരിപ്പിച്ച വസ്തുതകൾ പിന്നീട് തിരുത്താനാകില്ല. വിശദ വിവരങ്ങൾ ചുവടെ:
CEN No. RPF 01/2024
അപേക്ഷാഫീസ്: 500 .CBT (കംപ്യൂട്ടർ ബേസ്ഡ് ടെസ്റ്റ്) ൽ പങ്കെടുക്കുന്നവർക്ക് ഇതിൽ 400 രൂപ കിഴിവു ലഭിക്കും.
എസ് സി,എസ്ടി,വിമുക്ത ഭടൻ,വനിത,ട്രാൻസ്ജെൻഡർ,ന്യൂനപക്ഷവിഭാഗക്കാർ, സാമ്പത്തികമായി പിന്നാക്കം നിൽക്കുന്ന മുന്നാക്കക്കാർ(ഇബിസി) എന്നിവർക്ക് 250 രൂപ അടച്ചാൽ മതി.സിബിറ്റി ടെസ്റ്റിൽ പങ്കെടുത്താൽ ഇവർക്ക് ഈ തുക മുഴുവൻ തിരിച്ചു കിട്ടും. അപേക്ഷാ ഫീസ് ഓൺലൈനായി ഇന്റർനെറ്റ് ബാങ്കിങ്,ഡെബിറ്റ്/ക്രെഡിറ്റ് കാർഡ് മുഖേനയോ യുപിഐ ഉപയോഗിച്ചോ അടയ്ക്കാവുന്നതാണ്.
പ്രായം : 20-28, പ്രായപരിധിയിൽ ഇളവുകൾ നിയമാനുസൃതം.
ഒഴിവുകളും തസ്തികകളും:
ആകെ ഒഴിവുകൾ: 452
സബ് ഇൻസ്പെക്റ്റർ എക്സിക്യൂട്ടീവ് പുരുഷന്മാർ:384 .
സബ് ഇൻസ്പെക്റ്റർ എക്സിക്യൂട്ടീവ് വനിതകൾ:68
യോഗ്യത: ഡിഗ്രി
ശമ്പളം :സബ് ഇൻസ്പെക്റ്റർ എക്സിക്യൂട്ടീവ്- പേ ലെവൽ -6 പ്രകാരം 35,400 രൂപ. മെഡിക്കൽ സ്റ്റാൻഡേർഡ് : ബി-1.
വിശദ വിവരങ്ങൾക്ക് :
പവൻ ഹംസ്: 20 മാനെജർ
കേന്ദ്ര പൊതുമേഖലാ സ്ഥാപനമായ പവൻ ഹംസ് ലിമിറ്റഡിൽ മാനെജർ തസ്തികകളിലായി 20 ഒഴിവ് റെഗുലർ/ ഡെപ്യൂട്ടേഷൻ നിയമനം. ഏപ്രിൽ 30 വരെ ഓണ്ലൈനായി അപേക്ഷിക്കാം.
തസ്തികകൾ; ജനറൽ മാനെജർ (എച്ച്ആർ ആൻഡ് അഡ്മിൻ, ഓപ്പറേഷൻസ്, ഫ്ളൈറ്റ് സേഫ്റ്റി), ജോയിന്റ് ജനറൽ മാനെജർ (എച്ച്ആർ ആൻഡ് അഡ്മിൻ, ഫിനാൻസ് ആൻഡ് അക്കൗണ്ട്സ്, മെറ്റീരിയൽസ്, സിവിൽ), അസിസ്റ്റന്റ് മാനെജർ (എച്ച്ആർ ആൻഡ് അഡ്മിൻ, ഫിനാൻസ് ആൻഡ് അക്കൗണ്ട്സ്, മെറ്റീരിയൽസ്.
എസ്എസ്സി ജൂണിയർ എൻജിനിയർ പരീക്ഷ: അപേക്ഷകൾ നാളെ വരെ
കേന്ദ്ര സർവീസിൽ ജൂണിയർ എൻജിനിയർ തസ്തികയിലേക്കുള്ള നിയമനങ്ങൾക്കു സ്റ്റാഫ് സെലക്ഷൻ കമ്മീഷൻ നടത്തുന്ന ജൂണിയർ എൻജിനിയർ (സിവിൽ, മെക്കാനിക്കൽ, ഇലക്ട്രിക്കൽ) പരീക്ഷ-2024ന് അപേക്ഷ ക്ഷണിച്ചു. എൻജിനിയറിങ്ബിരുദധാരികൾക്കും ഡിപ്ലോമക്കാർക്കും അപേക്ഷിക്കാം.
സ്ത്രീകൾക്കും അവസരം. ഓണ്ലൈൻ അപേക്ഷ ഏപ്രിൽ 18 വരെ. നിലവിൽ 968 ഒഴിവാണുള്ളത്. ഒഴിവുകളുടെ എണ്ണത്തിൽ വർധന ഉണ്ടായേക്കും. തെരഞ്ഞെടുപ്പിന്റെ ഭാഗമായുള്ള ഒന്നാം ഘട്ട കംപ്യൂട്ടർ അധിഷ്ഠിത പരീക്ഷ ജൂണ് നാലു മുതൽ ആറുവരെ നടത്തും. കേരളത്തിൽ അഞ്ച് പരീക്ഷാ കേന്ദ്രങ്ങളുണ്ടായിരിക്കും.
ഒഴിവുകൾ: ബോർഡർ റോഡ്സ് ഓർഗനൈസേഷൻ (ബിആർഒ), സെൻട്രൽ പബ്ലിക് വർക്സ് ഡിപ്പാർട്ട്മെന്റ് (സിപിഡബ്ല്യുഡി), സെൻട്രൽ വാട്ടർ കമ്മീഷൻ, ഫറാക്കാ ബറാജ് പ്രോജക്ട്, മിലിട്ടി എൻജിനിയർ സർവീസസ് (എംഇഎസ്), നാഷണൽ ടെക്നിക്കൽ റിസർച്ച് ഓർഗനൈസേഷൻ (എൻടിആർഒ), ബ്രഹ്മപുത്ര ബോർഡ്, മിനിസ്ട്രി ഓഫ് ജൽശക്തി,
സെൻട്രൽ വാട്ടർ ആൻഡ് പവർ റിസർച്ച് സ്റ്റേഷൻ, ഡിജിക്യുഎ നേവൽ, മിനിസ്ട്രി ഓഫ് ഡിഫൻസ് എന്നിവിടങ്ങളിലാണ് ഒഴിവ്. ഗ്രൂപ്പ് ബി നോണ് ഗസറ്റഡ് നോണ് മിനിസ്റ്റീരിയൽ തസ്തികയാണ്. ബോർഡർ റോഡ്സ് ഓർഗനൈസേഷനിലെ ഒഴിവുകളിലേക്കു പുരുഷൻമാർ മാത്രം അപേക്ഷിച്ചാൽ മതി.
ഉയർന്ന പ്രായപരിധിയിൽ എസ്സി/എസ്ടി വിഭാഗക്കാർക്ക് 5 വർഷവും ഒബിസി വിഭാഗക്കാർക്ക് 3 വർഷവും ഇളവ്. മറ്റ് ഇളവുകൾ ചട്ടപ്രകാരം. ശമ്പളം: 35,400-1,12,400. 100 രൂപ (അർഹർക്ക് ഇളവ്). ഓണ്ലൈനായി ഫീസ് അടയ്ക്കാം. തെരഞ്ഞെടുപ്പ് രണ്ടു പേപ്പറുകളുള്ള എഴുത്തുപരീക്ഷയുടെ അടിസ്ഥാനത്തിൽ. കംപ്യൂട്ടർ അധിഷ്ഠിത ഒബ്ജക്റ്റീവ് ടൈപ്പ് പരീക്ഷ ആയിരിക്കും.
പരീക്ഷാകേന്ദ്രങ്ങൾ: ബംഗളൂരു ആസ്ഥാനമായുള്ള കർണാടക, കേരള റീജണിലാണ് (കെകെആർ) കേരളവും ലക്ഷദ്വീപുമുൾപ്പെടുന്നത്. കേരളത്തിൽ എറണാകുളം, കൊല്ലം, കോട്ടയം, കോഴിക്കോട്, തിരുവനന്തപുരം എന്നിവിടങ്ങളിൽ പരീക്ഷാകേന്ദ്രമുണ്ടാവും. ഉദ്യോഗാർഥിക്ക് ഒരേ റീജണിലെ മൂന്നു പരീക്ഷാകേന്ദ്രങ്ങൾ മുൻഗണനാക്രമത്തിൽ അപേക്ഷയിൽ രേഖപ്പെടുത്താം.
പിന്നീട് മാറ്റാനാവില്ല. അപേക്ഷ സ്വീകരിക്കുന്ന അവസാന തീയതി: ഏപ്രിൽ 18 (രാത്രി 11 മണി). അപേക്ഷയിൽ തെറ്റുണ്ടെങ്കിൽ ഏപ്രിൽ 22, 23 തീയതികളിൽ ഫീസോടുകൂടി തിരുത്തൽ വരുത്താം. അപേക്ഷാഫോം ഉൾപ്പെടെ വിശദവിവരങ്ങൾ വെബ്സൈറ്റിൽ.