റെയിൽവേയിൽ ടെക്നീഷൻ തസ്തികകളിലേക്ക് ഈ മാസം വിജ്ഞാപനം പ്രസിദ്ധീകരിക്കും.റെയിൽവേ റിക്രൂട്ട്മെന്റ് ബോർഡിന്റെ കേന്ദ്രീകൃത വിജ്ഞാപനം വഴി 9,000 ആർആർബി ടെക്നീഷ്യൻ ഒഴിവുകളിലേക്കാണു തെരഞ്ഞെടുപ്പ്. മാർച്ച്-ഏപ്രിലിൽ അപേക്ഷാ പ്രക്രിയ പൂർത്തിയാക്കി നവംബറിൽ എഴുത്തുപരീക്ഷ നടക്കും.
മെട്രിക്കുലേഷൻ, ഐടിഐ ട്രേഡ് സർട്ടിഫിക്കറ്റ്, എൻജിനിയറിങ് ഡിപ്ലോമ/ഡിഗ്രി എന്നിവയാണു യോഗ്യത. പ്രായം: 18-28. അപേക്ഷാഫീസ്: 500 (അർഹർക്ക് ഇളവ്). സിബിടി-1, സിബിടി-1, ഡോക്യുമെന്റേഷൻ, മെഡിക്കൽ പരിശോധന എന്നിവയ്ക്കു ശേഷമാകും തെരഞ്ഞെടുപ്പ്.
അസിസ്റ്റന്റ് ലോക്കോ പൈലറ്റ് തസ്തികയിലെ 5696 ഒഴിവിലേക്കുള്ള വിജ്ഞാപനത്തിനു പിന്നാലെയാണു ടെക്നീഷൻ വിഭാഗത്തിലേക്കുള്ള വിജ്ഞാപനം ഒരുങ്ങുന്നത്. ഗ്രാജ്വേറ്റ്, അണ്ടർ ഗ്രാജ്വേറ്റ് തലങ്ങളിലെ നോണ് ടെക്നിക്കൽ പോപ്പുലർ കാറ്റഗറികളിലേക്കും (എൻടിപിസി), ജൂണിയർ എൻജിനിയർ, പാരാമെഡിക്കൽ തസ്തികകളിലേക്കും റെയിൽവേ വൈകാതെ വിജ്ഞാപനം പ്രസിദ്ധീകരിക്കും.