കൊച്ചി: സൗദിഅറേബ്യ ആരോഗ്യമന്ത്രാലയത്തിലേയ്ക്കുളള സ്റ്റാഫ്നഴ്സ് (വനിത) ഒഴിവുകളിലേയ്ക്ക് നോര്ക്ക റൂട്ട്സ് റിക്രൂട്ട്മെന്റ് സംഘടിപ്പിക്കുന്നതായി മെന്ന് നോർക്ക റൂട്സ് ചീഫ് എക്സിക്യൂട്ടീവ് ഓഫീസർ അജിത് കോളശ്ശേരി അറിയിച്ചു. ഐസിയു (ഇന്റന്സീവ് കെയർ യൂണിറ്റ്) സ്പെഷ്യാലിറ്റിയിലാണ് ഒഴിവുകള്. നഴ്സിങില് ബി.എസ്.സി പോസ്റ്റ് ബി.എസ്.സി വിദ്യാഭ്യാസയോഗ്യതയും സ്പെഷ്യാലിറ്റികളില് കുറഞ്ഞത് രണ്ടു വർഷത്തെ പ്രവൃത്തിപരിചയവും വേണം.
ഇതിനോടൊപ്പം സൗദി കമ്മീഷൻ ഫോർ ഹെൽത്ത് സ്പെഷ്യലിസ്റ്റുകളിൽ നിന്നുള്ള പ്രൊഫഷണൽ ക്ലാസ്സിഫിക്കേഷനും (മുമാരിസ് + വഴി), എച്ച് ആര് ഡി അറ്റസ്റ്റേഷന്, ഡാറ്റാഫ്ലോ പരിശോധന എന്നിവ പൂര്ത്തിയാക്കിയവര്ക്കാണ് അപേക്ഷിക്കാന് കഴിയുക. വിശദമായ ബയോ ഡാറ്റയും വിദ്യാഭ്യാസം, പ്രവര്ത്തിപരിചയം, പാസ്സ്പോര്ട്ട് എന്നിവയുടെ പകര്പ്പുകള് സഹിതം www.norkaroots.org www.nifl.norkaroots.org എന്നീ വെബ്ബ്സൈറ്റുകൾ സന്ദര്ശിച്ച് 2025 ഫെബ്രുവരി 15 നകം അപേക്ഷ നല്കണം.
ഇതിനായുളള അഭിമുഖം ഫെബ്രുവരി 23 മുതല് 26 വരെ കൊച്ചിയിൽ നടക്കും. അപേക്ഷകര് മുന്പ് SAMR പോർട്ടലിൽ രജിസ്റ്റര് ചെയ്തവരാകരുത്. കുറഞ്ഞത് 6 മാസത്തെ കാലാവധിയുളള സാധുതയുളള പാസ്പോര്ട്ടും ഉളളവരാകണം. അഭിമുഖസമയത്ത് പാസ്സ്പോര്ട്ട് ഹാജരാക്കേണ്ടതാണ്. കൂടുതല് വിവരങ്ങള്ക്ക് നോര്ക്ക റൂട്ട്സ് ഗ്ലോബല് കോണ്ടാക്ട് സെന്ററിന്റെ ടോള്ഫ്രീ നമ്പറുകളില് 1800-425-3939 (ഇന്ത്യയില് നിന്നും) +91 8802012345 (വിദേശത്ത് നിന്നും-മിസ്ഡ് കോള് സൗകര്യം) ബന്ധപ്പെടാവുന്നതാണ്.
