ജാ​ഗ്ര​ത വേ​ണം, ക്രി​മി​ന​ലു​ക​ൾ​ക്കെ​തി​രേ

​ആലു​വ​യി​ൽ അ​ഞ്ചു വ​യ​സു മാ​ത്രം പ്രാ​യ​മു​ള്ള ചാ​ന്ദ്നി എ​ന്ന പെ​ൺ​കു​ട്ടി​യെ ഒ​രു കൊ​ടും ക്രി​മി​ന​ൽ ത​ട്ടി​ക്കൊ​ണ്ടു​പോ​യി പീ​ഡി​പ്പി​ച്ചു കൊ​ന്ന സം​ഭ​വം കേ​ര​ള​ത്തെ ന​ടു​ക്കി​യി​ട്ട് ഏ​റെ​യാ​യി​ട്ടി​ല്ല. ഇ​ത​ര സം​സ്ഥാ​ന​ത്തു​നി​ന്നു​വ​ന്ന് ഇ​വി​ടെ ജോ​ലി ചെ​യ്തു ജീ​വി​ക്കു​ന്ന ഒ​രു കു​ടും​ബ​ത്തി​ലെ കു​ട്ടി​യെ ഇ​ത​ര സം​സ്ഥാ​ന​ക്കാ​ര​നാ​യ അ​സ​ഫ​ക് ആ​ലം എ​ന്ന അ​ക്ര​മി പ​ട്ടാ​പ്പ​ക​ൽ ത​ട്ടി​ക്കൊ​ണ്ടു​പോ​യി പീ​ഡി​പ്പി​ച്ചു കൊ​ല്ലു​ക​യാ​യി​രു​ന്നു. മാ​ർ​ക്ക​റ്റി​നു​ള്ളി​ലെ മാ​ലി​ന്യ​ക്കൂ​മ്പാ​ര​ത്തി​ൽ ചാ​ക്കി​ൽ പൊ​തി​ഞ്ഞ നി​ല​യി​ലാ​ണ് കു​ട്ടി​യു​ടെ മൃ​ത​ദേ​ഹം ക​ണ്ടെ​ത്തി​യ​ത്. ഈ ​കൊ​ല​പാ​ത​കം ഒ​രു​പാ​ടു ചോ​ദ്യ​ങ്ങ​ൾ കേ​ര​ള​ത്തി​നു മു​ന്നി​ൽ ഉ​യ​ർ​ത്തി​യ​താ​ണ്. പെ​ൺ​കു​ട്ടി​ക​ളു​ടെ സു​ര​ക്ഷ​യും സ​മൂ​ഹ​ത്തി​ൽ ല​ഹ​രി​യു​ടെ സ്വാ​ധീ​ന​വും ക്രി​മി​ന​ലു​ക​ളു​ടെ അ​ഴി​ഞ്ഞാ​ട്ട​വും എ​ല്ലാം അ​തി​ൽ ഉ​ൾ​പ്പെ​ടു​ന്ന​താ​ണ്. ക്രി​മി​ന​ലു​ക​ൾ​ക്ക് സ്വൈ​ര​വി​ഹാ​രം ന​ട​ത്താ​ൻ സൗ​ക​ര്യ​മു​ള്ള ഇ​ട​മാ​യി കേ​ര​ളം മാ​റു​ന്നു​ണ്ടോ എ​ന്ന ചോ​ദ്യം സ്വാ​ഭാ​വി​ക​മാ​യും വ​ലി​യ ആ​ശ​ങ്ക ഉ​യ​ർ​ത്തു​ന്ന​താ​ണ്. മ​ല​പ്പു​റം ചേ​ളാ​രി​യി​ൽ നാ​ലു​വ​യ​സു​കാ​രി​യെ പീ​ഡി​പ്പി​ച്ച പ്ര​തി അ​റ​സ്റ്റി​ലാ​യ​തു പോ​ലു​ള്ള സം​ഭ​വ​ങ്ങ​ൾ അ​തി​നു ശേ​ഷ​വും റി​പ്പോ​ർ​ട്ടു ചെ​യ്യ​പ്പെ​ട്ടി​രു​ന്നു.

ഇ​പ്പോ​ഴി​താ ആ​ലു​വ​യി​ൽ മ​റ്റൊ​രു ന​ടു​ക്കു​ന്ന പീ​ഡ​ന സം​ഭ​വം കൂ​ടി​യു​ണ്ടാ​യി​രി​ക്കു​ന്നു. ചാ​ത്ത​ൻ​പു​റ​ത്ത് വീ​ട്ടി​ൽ ഉ​റ​ങ്ങി​ക്കി​ട​ന്ന എ​ട്ടു വ​യ​സു​കാ​രി​യെ ത​ട്ടി​ക്കൊ​ണ്ടു​പോ​യി പീ​ഡി​പ്പി​ച്ച സം​ഭ​വം ഞെ​ട്ട​ലോ​ടെ​യാ​ണു കേ​ര​ളം കേ​ട്ട​ത്. ബി​ഹാ​ർ സ്വ​ദേ​ശി​ക​ളു​ടെ കു​ടും​ബ​ത്തി​ൽ പെ​ട്ട പെ​ൺ​കു​ട്ടി അ​മ്മ​യ്ക്കും സ​ഹോ​ദ​ര​ങ്ങ​ൾ​ക്കും ഒ​പ്പം വീ​ട്ടി​ൽ ഉ​റ​ങ്ങു​ക​യാ​യി​രു​ന്നു. തു​റ​ന്നു കി​ട​ന്ന ജ​ന​ലി​ലൂ​ടെ താ​ക്കോ​ൽ കൈ​ക്ക​ലാ​ക്കി വാ​തി​ൽ തു​റ​ന്ന പ്ര​തി കു​ട്ടി​യെ എ​ടു​ത്ത് പു​റ​ത്തി​റ​ങ്ങി വാ​തി​ൽ പൂ​ട്ടു​ക​യാ​യി​രു​ന്നു എ​ന്നാ​ണു പ​റ​യു​ന്ന​ത്. കു​ട്ടി​യു​ടെ ക​ര​ച്ചി​ൽ കേ​ട്ടും കു​ട്ടി​യെ കൊ​ണ്ടു​പോ​കു​ന്ന​തു ക​ണ്ടും ‌പു​റ​ത്തു​വ​ന്ന അ​യ​ൽ​വാ​സി മ​റ്റ് അ​യ​ൽ​ക്കാ​രെ വി​വ​ര​മ​റി​യി​ച്ച് അ​വ​ർ​ക്കൊ​പ്പം തെ​ര​ച്ചി​ൽ ന​ട​ത്തി. ആ​ളു​ക​ൾ തെ​ര​ച്ചി​ൽ ന​ട​ത്തു​ന്നു എ​ന്ന​റി​ഞ്ഞ​പ്പോ​ഴാ​ണ് പ്ര​തി കു​ട്ടി​യെ സ​മീ​പ​ത്തു​ള്ള വ​യ​ലി​ൽ ഉ​പേ​ക്ഷി​ച്ചു ക​ട​ന്നു​ക​ള​ഞ്ഞ​ത് എ​ന്നു വേ​ണം ക​രു​താ​ൻ. ചോ​ര​യൊ​ലി​ച്ച നി​ല​യി​ൽ പെ​ൺ​കു​ട്ടി തെ​ര​ച്ചി​ൽ ന​ട​ത്തി​യി​രു​ന്ന നാ​ട്ടു​കാ​ർ​ക്ക് അ​ടു​ത്തേ​ക്ക് ഓ​ടി​യെ​ത്തു​ക​യാ​യി​രു​ന്നു​വ​ത്രേ.

ഒ​രു​പ​ക്ഷേ കു​ട്ടി​യു​ടെ ജീ​വ​ൻ തി​രി​ച്ചു​കി​ട്ടി​യ​ത് സം‍ശ​യം തോ​ന്നി​യ​പ്പോ​ൾ അ​യ​ൽ​ക്കാ​ർ കാ​ണി​ച്ച ജാ​ഗ്ര​ത കൊ​ണ്ടാ​വാം. പീ​ഡ​ന​ങ്ങ​ൾ ത​ട​യു​ന്ന​തി​ന​ട​ക്കം കു​ട്ടി​ക​ളു​ടെ സു​ര​ക്ഷ​യ്ക്ക് സ​മൂ​ഹം മൊ​ത്ത​ത്തി​ൽ ജാ​ഗ്ര​ത കാ​ണി​ക്കേ​ണ്ട കാ​ല​ഘ​ട്ട​മാ​ണി​ത്. ത​നി​ക്കു ചു​റ്റു​മു​ള്ള സ​മൂ​ഹ​ത്തി​ൽ അ​ക്ര​മി​ക​ൾ​ക്കും ക്രി​മി​ന​ലു​ക​ൾ​ക്കും ഇ​ടം കി​ട്ടു​ന്നി​ല്ലെ​ന്ന് ഉ​റ​പ്പി​ക്കാ​നു​ള്ള ജാ​ഗ്ര​ത​യു​ണ്ടാ​വ​ണം. സം​ശ​യ​ക​ര​മാ​യ വി​ധ​ത്തി​ൽ എ​ന്തെ​ങ്കി​ലും ക​ണ്ടാ​ലും അ​തു ത​ന്നെ ബാ​ധി​ക്കാ​തി​രു​ന്നാ​ൽ മ​തി എ​ന്ന ചി​ന്താ​ഗ​തി അ​പ​ക​ട​ക​ര​മാ​ണ്. ആ​ലു​വ​യി​ൽ ചാ​ന്ദ്നി കൊ​ല്ല​പ്പെ​ട്ട മാ​ർ​ക്ക​റ്റ് പ്ര​ദേ​ശ​ത്ത് നേ​ര​ത്തേ മു​ത​ൽ സാ​മൂ​ഹി​ക വി​രു​ദ്ധ​ർ ത​മ്പ​ടി​ച്ചി​രി​ക്കു​ക​യാ​യി​രു​ന്നു. മാ​ർ​ക്ക​റ്റ് സ​മ​യം ക​ഴി​ഞ്ഞാ​ൽ സ്വ​ബോ​ധ​മു​ള്ള ആ​രും ഇ​വി​ടേ​ക്ക് എ​ത്തി​നോ​ക്കാ​റി​ല്ല. ഓ​പ്പ​ൺ ബാ​ർ എ​ന്ന് തൊ​ഴി​ലാ​ളി​ക​ൾ വി​ശേ​ഷി​പ്പി​ക്കു​ന്ന ഈ ​പ്ര​ദേ​ശ​ത്തു​നി​ന്ന് സാ​മൂ​ഹി​ക വി​രു​ദ്ധ​രെ ഒ​ഴി​വാ​ക്കാ​ൻ പൊ​ലീ​സ് അ​ട​ക്കം ആ​രും ശ്ര​മി​ച്ചി​ല്ല എ​ന്ന​താ​ണ് ഒ​രു പാ​വം പെ​ൺ​കു​ട്ടി​യു​ടെ ജീ​വ​ൻ ന​ഷ്ട​പ്പെ​ടു​ത്തി​യ​ത്. അ​ധി​കൃ​ത​ർ അ​ട​ക്കം ആ​രും ക​ണ്ടി​ല്ലെ​ന്നും കേ​ട്ടി​ല്ലെ​ന്നും ന​ടി​ച്ചാ​ൽ എ​വി​ടെ​യും ക്രി​മി​ന​ലു​ക​ൾ​ക്കു വി​ല​സാ​ൻ അ​വ​സ​ര​മു​ണ്ടാ​വും.

ക​ണ്ണൂ​രി​ൽ പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീ​ഡി​പ്പി​ച്ച കേ​സി​ൽ വ്യാ​ജ​സി​ദ്ധ​ൻ അ​റ​സ്റ്റി​ലാ​യ​ത് ഇ​ന്ന​ലെ​യാ​ണ്. കൂ​ത്തു​പ​റ​മ്പി​ന​ടു​ത്ത് മ​ന്ത്ര​വാ​ദ കേ​ന്ദ്രം ന​ട​ത്തു​ന്ന​യാ​ളാ​ണ് പെ​ൺ​കു​ട്ടി​യു​ടെ ബ​ന്ധു​ക്ക​ൾ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ അ​റ​സ്റ്റി​ലാ​യ​ത്. പ​ഠ​ന​ത്തി​ൽ മി​ക​വു​ണ്ടാ​കാ​ൻ വേ​ണ്ടി​യാ​ണ് പെ​ൺ​കു​ട്ടി​യെ ര​ക്ഷി​താ​ക്ക​ൾ ഈ ​കേ​ന്ദ്ര​ത്തി​ലേ​ക്കു കൊ​ണ്ടു​വ​ന്ന​ത​ത്രേ. ഇ​യാ​ളു​ടെ മ​ന്ത്ര​വാ​ദ കേ​ന്ദ്ര​ത്തി​നെ​തി​രേ നാ​ട്ടു​കാ​രി​ൽ നി​ന്നു നേ​ര​ത്തേ പ​രാ​തി​ക​ളു​ണ്ടാ​യി​രു​ന്ന​താ​ണ്. യു​വ​ജ​ന സം​ഘ​ട​ന​ക​ൾ കേ​ന്ദ്ര​ത്തി​ലേ​ക്കു പ്ര​തി​ഷേ​ധ മാ​ർ​ച്ച് ന​ട​ത്തി​യി​രു​ന്നു. അ​തെ​ല്ലാം അ​വ​ഗ​ണി​ച്ച പൊ​ലീ​സും മ​റ്റ് ഉ​ത്ത​ര​വാ​ദ​പ്പെ​ട്ട​വ​രു​മ​ല്ലേ ഇ​യാ​ൾ​ക്ക് അ​വ​സ​ര​മു​ണ്ടാ​ക്കി​ക്കൊ​ടു​ത്ത​ത്.

ചാ​ത്ത​ൻ​പു​റ​ത്ത് എ​ട്ടു വ​യ​സു​കാ​രി​യെ പീ​ഡി​പ്പി​ച്ച കേ​സി​ൽ അ​റ​സ്റ്റി​ലാ​യി​ട്ടു​ള്ള തി​രു​വ​ന​ന്ത​പു​രം ചെ​ങ്ക​ൽ സ്വ​ദേ​ശി ഇ​താ​ദ്യ​മാ​യ​ല്ല ക്രി​മി​ന​ൽ സ്വ​ഭാ​വം കാ​ണി​ക്കു​ന്ന​ത്. 2017ൽ ​മാ​ന​സി​ക വെ​ല്ലു​വി​ളി നേ​രി​ടു​ന്ന സ്ത്രീ​യെ പീ​ഡി​പ്പി​ച്ച കേ​സി​ൽ പി​ടി​യി​ലാ​യ​താ​ണ് ഇ​യാ​ള​ത്രേ. പി​ന്നീ​ട് ജാ​മ്യ​ത്തി​ലി​റ​ങ്ങി​യ​താ​ണ്. സ്ഥി​രം മോ​ഷ്ടാ​വു​മാ​ണ് ഇ​യാ​ൾ. രാ​ത്രി മാ​ത്ര​മാ​ണ് ഇ​യാ​ൾ വീ​ടി​നു പു​റ​ത്തി​റ​ങ്ങാ​റു​ള്ള​തെ​ന്നു സ​മീ​പ​വാ​സി​ക​ൾ പ​റ​യു​ന്നു​ണ്ട്. ഇ​ത്ത​ര​ക്കാ​ർ​ക്ക് ഒ​രു പ്ര​യാ​സ​വു​മി​ല്ലാ​തെ എ​വി​ടെ​യും ക​ട​ന്നു​ചെ​ന്ന് എ​ന്ത് അ​ക്ര​മ​വും ആ​വ​ർ​ത്തി​ക്കാ​ൻ ക​ഴി​യു​ന്ന സ്ഥി​തി​വി​ശേ​ഷ​മാ​ണ് ആ​ശ​ങ്ക​പ്പെ​ടു​ത്തു​ന്ന​താ​യു​ള്ള​ത്.

ചാ​ന്ദ്നി​യെ പീ​ഡി​പ്പി​ച്ചു കൊ​ന്ന അ​സ​ഫ​ക് ആ​ലം മു​ൻ​പ് ഡ​ൽ​ഹി​യി​ലും പോ​ക്സോ കേ​സി​ലെ പ്ര​തി​യാ​യി​രു​ന്നു​വെ​ന്ന് പൊ​ലീ​സ് വ്യ​ക്ത​മാ​ക്കി​യി​രു​ന്നു. പ​ത്തു​വ​യ​സു​കാ​രി​യെ പീ​ഡി​പ്പി​ച്ച കേ​സി​ൽ പ്ര​തി​യാ​യി അ​റ​സ്റ്റ് ചെ​യ്യ​പ്പെ​ട്ട ഇ​യാ​ൾ ജാ​മ്യ​ത്തി​ലി​റ​ങ്ങി​യാ​ണ് കേ​ര​ള​ത്തി​ലേ​ക്കു വ​ന്ന​ത്. കൊ​ടും ക്രി​മി​ന​ലാ​യി​രു​ന്ന ഇ​യാ​ൾ​ക്ക് ഇ​വി​ടെ യാ​തൊ​രു സം​ശ​യ​വും തോ​ന്നാ​ത്ത വി​ധം താ​മ​സി​ക്കാ​നും ഒ​രു പെ​ൺ​കു​ട്ടി​യു​ടെ ജീ​വ​ൻ പി​ച്ചി​ച്ചീ​ന്താ​നും ക​ഴി​ഞ്ഞു. ല​ഹ​രി വ​സ്തു​ക്ക​ളു​ടെ ക​ട​ത്തും ഉ​പ​യോ​ഗ​വും അ​ട​ക്ക​മു​ള്ള ദു​ഷ്പ്ര​വ​ണ​ത​ക​ൾ ഇ​വി​ടെ വ​ർ​ധി​ച്ചു​വ​രു​ന്നു​ണ്ട്. ശ​രി​യാ​യ ജാ​ഗ്ര​ത പു​ല​ർ​ത്തി​യി​ല്ലെ​ങ്കി​ൽ കൂ​ടു​ത​ൽ അ​പ​ക​ട​ക​ര​മാ​യ സ്ഥി​തി​യി​ലേ​ക്കു കാ​ര്യ​ങ്ങ​ൾ എ​ത്തി​ച്ചേ​രും. പോ​ക്സോ കേ​സു​ക​ളു​ടെ എ​ണ്ണം വ​ർ​ധി​ക്കു​ന്ന​ത് അ​തീ​വ ഗൗ​ര​വ​മു​ള്ള വി​ഷ​യ​മാ​യി കാ​ണേ​ണ്ട​താ​ണ്. നി​യ​മം ക​ർ​ശ​ന​മാ​യി ന​ട​പ്പാ​ക്കു​ന്ന​തി​ന് അ​ധി​കൃ​ത​രു​ടെ ഭാ​ഗ​ത്തു​നി​ന്നു ശ്ര​മ​ങ്ങ​ളു​ണ്ടാ​വ​ണം.