കൊല്ലം നെഞ്ചേറ്റിയ കലോ​ത്സ​വം| മുഖപ്രസംഗം

ക​ലോത്സവം ഗംഭീര വിജയമാക്കി മാറ്റുന്നതിന് കൊല്ലത്തെ കലാസ്നേഹികൾക്കും സംഘാടകർക്കും കഴിഞ്ഞുവെന്നു നിസം​ശയം പറയാം
state school kalolsavam at kollam
state school kalolsavam at kollam

അ​ഞ്ചു ദി​വ​സം 24 വേ​ദി​ക​ളി​ലാ​യി പ​ന്ത്ര​ണ്ടാ​യി​ര​ത്തി​ലേ​റെ വി​ദ്യാ​ർ​ഥി​ക​ൾ മ​ത്സ​രി​ച്ച അ​റു​പ​ത്തി​ര​ണ്ടാ​മ​തു സം​സ്ഥാ​ന സ്കൂ​ൾ ക​ലോ​ത്സ​വ​ത്തി​നു കൊ​ല്ല​ത്തു തി​ര​ശ്ശീ​ല വീ​ണ​പ്പോ​ൾ സ്വ​ർ​ണ​ക്ക​പ്പ് കൊ​ണ്ടു​പോ​കു​ന്ന​തു ക​ണ്ണൂ​ർ ജി​ല്ല​യാ​ണ്. ഓ​രോ ഇ​ഞ്ചി​ലും വെ​ല്ലു​വി​ളി ഉ​യ​ർ​ത്തി അ​വ​സാ​ന നി​മി​ഷം വ​രെ സാ​ധ്യ​ത നി​ല​നി​ർ​ത്തി​യി​രു​ന്ന ക​ഴി​ഞ്ഞ വ​ർ​ഷ​ത്തെ ഓ​വ​റോ​ൾ ജേ​താ​ക്ക​ളാ​യ കോ​ഴി​ക്കോ​ടി​ന് ര​ണ്ടാം സ്ഥാ​ന​ത്തു തൃ​പ്തി​പ്പെ​ടേ​ണ്ടി​വ​രു​ന്ന​ത് മൂ​ന്നു പോ​യി​ന്‍റി​ന്‍റെ മാ​ത്രം വ്യ​ത്യാ​സ​ത്തി​ൽ. ക​ണ്ണൂ​രി​ന് 952, കോ​ഴി​ക്കോ​ടി​ന് 949 എ​ന്ന​താ​ണ​ല്ലോ അ​ന്തി​മ പോ​യി​ന്‍റ് നി​ല. ഇ​വ​ർ​ക്കു പു​റ​മേ പാ​ല​ക്കാ​ടും തൃ​ശൂ​രും മ​ല​പ്പു​റ​വും കൊ​ല്ല​വും 900ൽ ​ഏ​റെ പോ​യി​ന്‍റ് നേ​ടി​യ ജി​ല്ലാ ടീ​മു​ക​ളാ​ണ്. ക​ഴി​ഞ്ഞ വ​ർ​ഷ​വും ക​ലോ​ത്സ​വ​ത്തി​ലെ സ്വ​ർ​ണ​ക്ക​പ്പ് പോ​രാ​ട്ട​ത്തി​ൽ മു​ന്നി​ലു​ണ്ടാ​യി​രു​ന്ന ടീ​മു​ക​ളി​ലൊ​ന്നാ​ണു ക​ണ്ണൂ​ർ. ആ​തി​ഥേ​യ​രാ​യി​രു​ന്ന കോ​ഴി​ക്കോ​ടി​നു പി​ന്നി​ൽ അ​ന്നു ര​ണ്ടാം സ്ഥാ​നം പ​ങ്കു​വ​ച്ച​ത് ക​ണ്ണൂ​രും പാ​ല​ക്കാ​ടു​മാ​ണ്. തൃ​ശൂ​ർ മൂ​ന്നാ​മ​താ​യി​രു​ന്നു. ആ​ദ്യ സ്ഥാ​ന​ങ്ങ​ളി​ൽ തു​ട​രാ​ൻ ഇ​ത്ത​വ​ണ​യും ഈ ​ജി​ല്ലാ ടീ​മു​ക​ൾ​ക്കു ക​ഴി​ഞ്ഞി​ട്ടു​ണ്ട് എ​ന്ന​താ​ണ് പോ​യി​ന്‍റ് നി​ല വ്യ​ക്ത​മാ​ക്കു​ന്ന ചി​ത്രം.

ഇ​തി​നു മു​ൻ​പ് നാ​ലു ത​വ​ണ ജേ​താ​ക്ക​ളാ​യി​ട്ടു​ള്ള ക​ണ്ണൂ​ർ അ​വ​സാ​നം സ്വ​ർ​ണ​ക്ക​പ്പ് ഉ​യ​ർ​ത്തി​യി​രു​ന്ന​ത് 2000ൽ ​ആ​ണ്. തു​ട​ർ​ന്നു പ​ല​പ്പോ​ഴും ക​ടു​ത്ത പോ​രാ​ട്ട​ത്തി​ൽ ക​പ്പി​നും ചു​ണ്ടി​നു​മി​ട​യി​ൽ ന​ഷ്ട​പ്പെ​ട്ട ഖ്യാ​തി ഇ​പ്പോ​ൾ അ​വ​രെ തേ​ടി​യെ​ത്തി​യി​രി​ക്കു​ന്നു. അ​തു നി​ര​ന്ത​ര​മാ​യ ക​ഠി​ന​പ്ര​യ​ത്ന​ത്തി​ന്‍റെ ഫ​ല​മാ​യി വേ​ണം കാ​ണാ​ൻ. ക​പ്പ് ഉ​യ​ർ​ത്തു​ന്ന​തോ ആ​ദ്യ സ്ഥാ​ന​ങ്ങ​ളി​ൽ നി​ല​യു​റ​പ്പി​ക്കു​ന്ന​തോ ഏ​താ​ണ്ടൊ​രു ശീ​ല​മാ​ക്കി​യ കോ​ഴി​ക്കോ​ടി​നു നി​രാ​ശ​പ്പെ​ടാ​നൊ​ന്നു​മി​ല്ല. അ​ത്ര​യും ചെ​റി​യ മാ​ർ​ജി​നാ​ണ് അ​വ​ർ ര​ണ്ടാം സ്ഥാ​ന​ത്താ​യി​പ്പോ​യ​ത്. അ​തേ​സ​മ​യം, സ്കൂ​ളു​ക​ളു​ടെ പ്ര​ക​ട​നം വി​ല​യി​രു​ത്തു​ക​യാ​ണെ​ങ്കി​ൽ പാ​ല​ക്കാ​ട് ആ​ല​ത്തൂ​ർ ബി​എ​സ്എ​സ് ഗു​രു​കു​ല​ത്തി​ന്‍റെ അ​ടു​ത്തൊ​ന്നു​മി​ല്ല മ​റ്റൊ​രു സ്കൂ​ളും. ഈ ​ഹ​യ​ർ സെ​ക്ക​ൻ​ഡ​റി സ്കൂ​ൾ പാ​ല​ക്കാ​ടി​നാ​യി ഒ​റ്റ​യ്ക്കു നേ​ടി​യ​ത് 249 പോ​യി​ന്‍റാ​ണ്. ര​ണ്ടും മൂ​ന്നും സ്ഥാ​ന​ങ്ങ​ളി​ലെ​ത്തി​യ സ്കൂ​ളു​ക​ൾ ഒ​ന്നി​ച്ചു നേ​ടി​യ​തി​ലും കൂ​ടു​ത​ൽ പോ​യി​ന്‍റാ​ണ് ഗു​രു​കു​ല​ത്തി​നു​ള്ള​ത്. ക​ലോ​ത്സ​വ​ത്തി​ൽ ഏ​റ്റ​വും കൂ​ടു​ത​ൽ കു​ട്ടി​ക​ളെ പ​ങ്കെ​ടു​പ്പി​ച്ച സ്കൂ​ളും ഗു​രു​കു​ല​മാ​ണ്. ക​ലാ​മി​ക​വി​ൽ സം​സ്ഥാ​ന​ത്ത് ഏ​റ്റ​വും മു​ന്നി​ലു​ള്ള സ്കൂ​ൾ എ​ന്ന സ​ത്പേ​ര് ഒ​രി​ടി​വും സം​ഭ​വി​ക്കാ​തെ നി​ല​നി​ർ​ത്താ​ൻ സ്കൂ​ളി​നു ക​ഴി​യു​ന്ന​ത് ഒ​ട്ടും ചെ​റി​യ കാ​ര്യ​മ​ല്ല. തി​രു​വ​ന​ന്ത​പു​രം കാ​ർ​മ​ൽ, പ​ത്ത​നം​തി​ട്ട വി​ജി​വി​എ​ച്ച്എ​സ്എ​സ്, എ​റ​ണാ​കു​ളം സെ​ന്‍റ് തെ​രേ​സാ​സ്, ആ​ല​പ്പു​ഴ മാ​ന്നാ​ർ എ​ന്‍എ​സ് ബോ​യ്സ് എ​ച്ച്എ​സ്എ​സ് തു​ട​ങ്ങി​യ സ്കൂ​ളു​ക​ളാ​ണ് ഗു​രു​കു​ല​ത്തി​നു തൊ​ട്ടു​താ​ഴെ​യു​ള്ള സ്ഥാ​ന​ങ്ങ​ളി​ൽ.

ക​ലോ​ത്സ​വം ഗം​ഭീ​ര വി​ജ​യ​മാ​ക്കി മാ​റ്റു​ന്ന​തി​ന് കൊ​ല്ല​ത്തെ ക​ലാ​സ്നേ​ഹി​ക​ൾ​ക്കും സം​ഘാ​ട​ക​ർ​ക്കും ക​ഴി​ഞ്ഞു​വെ​ന്നു നി​സം​ശ​യം പ​റ​യാം. അ​ഞ്ചു ദി​വ​സ​വും ക​ല​യു​ടെ പൂ​രം കാ​ണാ​ൻ നാ​ട്ടു​കാ​ർ വേ​ദി​ക​ളി​ലേ​ക്ക് ഒ​ഴു​കി​യെ​ത്തി​ക്കൊ​ണ്ടി​രു​ന്നു. പ്ര​ധാ​ന വേ​ദി​യാ​യ ആ​ശ്രാ​മം മൈ​താ​ന​ത്ത് ആ​യി​ര​ക്ക‍ണ​ക്കി​നാ​ളു​ക​ളാ​ണ് കൗ​മാ​ര പ്ര​തി​ഭ​ക​ളെ പ്രോ​ത്സാ​ഹി​പ്പി​ക്കാ​ൻ തി​ങ്ങി​നി​റ​ഞ്ഞ​ത്. വ​ർ​ഷ​ങ്ങ​ൾ​ക്കു ശേ​ഷം ത​ങ്ങ​ൾ​ക്ക് ആ​തി​ഥേ​യ​ത്വം വ​ഹി​ക്കാ​ൻ ല​ഭി​ച്ച അ​വ​സ​രം കൊ​ല്ല​ത്തെ ജ​ന​ങ്ങ​ൾ പാ​ഴാ​ക്കി​യി​ല്ല. മ​ത്സ​ര​ങ്ങ​ളു​ടെ ന​ട​ത്തി​പ്പും പൊ​തു​വേ പ​രാ​തി​ര​ഹി​ത​മാ​യി​രു​ന്നു. അ​തു ന​ട​ത്തി​പ്പു​കാ​ർ​ക്ക് അ​ഭി​മാ​നി​ക്കാ​വു​ന്ന നേ​ട്ടം ത​ന്നെ​യാ​ണ്. ഒ​രു ക​ലോ​ത്സ​വ​ത്തി​ലെ വി​ജ​യം കൊ​ണ്ട് അ​വ​സാ​നി​പ്പി​ക്കാ​വു​ന്ന​ത​ല്ല ക​ലാ​പ​ഠ​ന​വും പ​രി​ശീ​ല​ന​വും. അ​തൊ​രു തു​ട​ർ പ്ര​ക്രി​യ​യാ​ണ്. കൊ​ല്ല​ത്തു​നി​ന്ന് നേ​ട്ട​ങ്ങ​ളു​മാ​യി മ​ട​ങ്ങു​ന്ന​വ​രാ​യാ​ലും പ്ര​തീ​ക്ഷ​ക​ൾ നി​റ​വേ​റ്റാ​നാ​വാ​തെ പോ​യ​വ​രാ​യാ​ലും ത​ങ്ങ​ളു​ടെ ക​ലാ​ജീ​വി​തം കൂ​ടു​ത​ൽ മെ​ച്ച​പ്പെ​ടു​ത്താ​നു​ള്ള അ​വ​സ​ര​ങ്ങ​ൾ ഇ​നി​യും അ​വ​ർ​ക്കു​ണ്ടാ​വ​ട്ടെ.

അ​ടു​ത്ത​വ​ർ​ഷം മു​ത​ൽ പു​തി​യ മാ​നു​വ​ൽ പ്ര​കാ​രം ക​ലോ​ത്സ​വം ന​ട​ത്തു​മെ​ന്നാ​ണ് മ​ന്ത്രി വി. ​ശി​വ​ൻ​കു​ട്ടി വ്യ​ക്ത​മാ​ക്കി​യി​രി​ക്കു​ന്ന​ത്. ക​ര​ടു ത​യാ​റാ​ക്കി പൊ​തു​ജ​ന​ങ്ങ​ളോ​ട് അ​ഭി​പ്രാ​യം തേ​ടി​യ ശേ​ഷ​മാ​ണ് അ​ന്തി​മ​മാ​യി മാ​നു​വ​ൽ ഒ​രു​ക്കു​ന്ന​ത്. അ​തി​നു​ള്ള പ്ര​വ​ർ​ത്ത​ന​ങ്ങ​ൾ ഈ ​ക​ലോ​ത്സ​വ​ത്തി​ന്‍റെ തു​ട​ർ​ച്ച​യാ​യി ഉ​ണ്ടാ​വേ​ണ്ട​താ​ണ്. കു​ട്ടി​ക​ളു​ടെ മാ​ന​സി​ക സ​മ്മ​ർ​ദം കു​റ​യ്ക്കു​ന്ന​തി​ന് എ​ന്തൊ​ക്കെ ചെ​യ്യാ​ൻ ക​ഴി​യു​മെ​ന്നു പ​രി​ശോ​ധി​ക്ക​പ്പെ​ട​ണം. അ​പ്പീ​ൽ ന​ൽ​കു​ന്ന​തി​നു മാ​ന​ദ​ണ്ഡം ഏ​ർ​പ്പെ​ടു​ത്തു​മെ​ന്നു മ​ന്ത്രി വ്യ​ക്ത​മാ​ക്കി​യി​ട്ടു​ണ്ട്. അ​പ്പീ​ലു​ക​ൾ നി​യ​ന്ത്രി​ക്കു​ന്ന​ത് ക​ലോ​ത്സ​വം ഭം​ഗി​യാ​യി ന​ട​ത്തു​ന്ന​തി​ൽ പ്ര​ധാ​ന പ​ങ്കു വ​ഹി​ക്കു​മെ​ന്ന​തി​ൽ സം​ശ​യ​മി​ല്ല. ഇ​ത്ത​വ​ണ​യും അ​പ്പീ​ലു​ക​ളു​മാ​യി മ​ത്സ​ര​വേ​ദി​ക​ളി​ലെ​ത്തി​യ​വ​ർ​ക്കു കു​റ​വു​ണ്ടാ​യി​ല്ല. വി​വി​ധ കോ​ട​തി​ക​ൾ മു​ഖേ​ന​യും ഡി​ഡി​മാ​ർ വ​ഴി​യും അ​പ്പീ​ലു​ക​ൾ നേ​ടി മ​ത്സ​ര​ത്തി​നെ​ത്തു​ന്ന വി​ദ്യാ​ർ​ഥി​ക​ളു​ടെ എ​ണ്ണം വ​ർ​ധി​ക്കു​മ്പോ​ൾ മ​ത്സ​ര​ങ്ങ​ളു​ടെ സ​മ​യ​ക്ര​മ​വും തെ​റ്റി​പ്പോ​വു​ക​യാ​ണ്. പ​ല നൃ​ത്ത​വേ​ദി​ക​ളി​ലും മ​ണി​ക്കൂ​റു​ക​ൾ വൈ​കി​യാ​ണു മ​ത്സ​ര​ങ്ങ​ൾ അ​വ​സാ​നി​ച്ച​ത്.

സം​ഘ​നൃ​ത്തം ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​ൽ മു​പ്പ​ത്ത​ഞ്ചും ഹൈ​സ്കൂ​ൾ വി​ഭാ​ഗ​ത്തി​ൽ മു​പ്പ​ത്തി​നാ​ലും ടീ​മു​ക​ളാ​ണു പ​ങ്കെ​ടു​ത്ത​ത്. ഹ​യ​ർ സെ​ക്ക​ൻ​ഡ​റി ഒ​പ്പ​ന​യി​ൽ മു​പ്പ​ത്തൊ​ന്നും ഹൈ​സ്കൂ​ൾ ഒ​പ്പ​ന​യി​ൽ ഇ​രു​പ​ത്തെ​ട്ടും ടീ​മു​ക​ളു​ണ്ടാ​യി​രു​ന്നു. ഇ​രു​പ​ത്താ​റും ഇ​രു​പ​ത്തേ​ഴും മ​ത്സ​രാ​ർ​ഥി​ക​ൾ വീ​ത​മാ​ണ് മോ​ഹി​നി​യാ​ട്ടം അ​ര​ങ്ങി​ലെ​ത്തി​യ​ത്. ഹൈ​സ്കൂ​ൾ വി​ഭാ​ഗം പെ​ൺ​കു​ട്ടി​ക​ളു​ടെ ഭ​ര​ത​നാ​ട്യ​ത്തി​ൽ 27, പെ​ൺ​കു​ട്ടി​ക​ളു​ടെ കു​ച്ചു​പ്പു​ടി​യി​ൽ 23, പെ​ൺ​കു​ട്ടി​ക​ളു​ടെ ത​ന്നെ കേ​ര​ള ന​ട​ന​ത്തി​ൽ 22 പേ​ർ വീ​തം പ​ങ്കെ​ടു​ത്തു. തി​രു​വാ​തി​ര​ക്ക​ളി​യി​ലും മാ​പ്പി​ള​പ്പാ​ട്ടി​ലും 20, മാ​ർ​ഗം ക​ളി​യി​ൽ 19 ടീ​മു​ക​ൾ വീ​തം മ​ത്സ​രി​ച്ച​പ്പോ​ൾ നാ​ട​ക​ത്തി​ലും ഇ​രു​പ​തു ടീ​മു​ണ്ടാ​യി​രു​ന്നു. ഹ​യ​ർ സെ​ക്ക​ൻ​ഡ​റി വി​ഭാ​ഗം പെ​ൺ​കു​ട്ടി​ക​ളു​ടെ കേ​ര​ള ന​ട​ന​ത്തി​ലും ഭ​ര​ത​നാ​ട്യ​ത്തി​ലും മോ​ഹി​നി​യാ​ട്ട​ത്തി​ലും 26 വീ​തം മ​ത്സ​രാ​ർ​ഥി​ക​ളാ​യി​രു​ന്നു. നാ​ടോ​ടി നൃ​ത്ത​ത്തി​ൽ 25, കു​ച്ചു​പ്പു​ടി​യി​ൽ 24 വീ​തം പെ​ൺ​കു​ട്ടി​ക​ൾ അ​ര​ങ്ങി​ലെ​ത്തി. തി​രു​വാ​തി​ര​ക്ക​ളി​യി​ലും 24 ടീ​മു​ക​ളാ​യി​രു​ന്നു. ആ​ൺ​കു​ട്ടി​ക​ളു​ടേ​താ​യ ദ​ഫ്മു​ട്ടി​ൽ 23 ടീ​മു​ക​ൾ പ​ങ്കെ​ടു​ത്തു. കോ​ൽ​ക്ക​ളി​യി​ൽ 24 ടീ​മു​ക​ളു​ണ്ടാ​യി​രു​ന്നു. നാ​ട​ക​ത്തി​ന് എ​ത്തി​യ​ത് 22 ടീ​മു​ക​ൾ. ഇ​ങ്ങ​നെ പ​ല ഇ​ന​ങ്ങ​ളി​ലും അ​പ്പീ​ലു​മാ​യി മ​ത്സ​രി​ക്കാ​ൻ എ​ത്തു​ന്ന​വ​ർ അ​ധി​ക​മാ​വു​ന്ന​ത് നി​യ​ന്ത്രി​ക്കാ​നു​ള്ള ആ​ലോ​ച​ന തു​ട​ങ്ങി​യി​ട്ടു വ​ർ​ഷ​ങ്ങ​ളാ​യി. അ​തു​പ​ക്ഷേ, ഇ​നി​യും വി​ജ​യ​ത്തി​ലെ​ത്തേ​ണ്ടി​യി​രി​ക്കു​ന്നു.

Related Stories

No stories found.

Latest News

No stories found.
logo
Metro Vaartha
www.metrovaartha.com