ഗ്രൂപ്പ് ബി,സി വിഭാഗങ്ങളിലായി വിവിധ വകുപ്പുകളില് ബിരുദധാരികള്ക്കു കേന്ദ്ര സർക്കാർ ജോലി ലഭിക്കാന് സഹായിക്കുന്ന കംബൈന്ഡ് ഗ്രാജ്വേറ്റ് ലെവല് പരീക്ഷയ്ക്കൊരുങ്ങാൻ സമയമായി.
വിവിധ വകുപ്പുകളില് അസിസ്റ്റന്റ്, ഇന്കം ടാക്സ് ഇന്സ്പെക്റ്റർ , സെന്ട്രല് എക്സൈസ് ഇന്സ്പെക്റ്റർ, അസിസ്റ്റന്റ് എന്ഫോഴ്സ്മെന്റ് ഓഫീസർ, സബ് ഇന്സ്പെക്റ്റർ, ഡിവിഷണല് അക്കൗണ്ടന്റ്, സ്റ്റാറ്റിസ്റ്റിക്കല് ഇന്വെസ്റ്റിഗേറ്റർ ഗ്രേഡ് 2, ഓഡിറ്റർ, ജൂണിയർ അക്കൗണ്ടന്റ്, ടാക്സ് അസിസ്റ്റന്റ്, അപ്പർ ഡിവിഷന് ക്ലാർക്ക്, കംപയിലർ തസ്തികകളിലേക്കാണു നിയമനം. ടയർ വൺ, ടയർ ടു എന്നിങ്ങനെ രണ്ടുഘട്ടമായാണു തെരഞ്ഞെടുപ്പ്.
ടയർ വൺ (ഒന്നാം ഘട്ടം) പരീക്ഷ ജൂലൈയിലും രണ്ടാംഘട്ടം സെപ്റ്റംബറിലും നടക്കും.
യോഗ്യത : കംപയിലർ, സ്റ്റാറ്റിസ്റ്റിക്കല് , ഇന്വെസ്റ്റിഗേറ്റർ ഗ്രേഡ് 2 തസ്തിക ഒഴികെയുള്ളവയ്ക്ക് ബിരുദം/തത്തുല്യം യോഗ്യത വേണം. അസിസ്റ്റന്റ് തസ്തികയിലേക്ക് അപേക്ഷിക്കുന്നവർക്കു കംപ്യൂട്ടർ യോഗ്യത വേണം. കംപയിലർ തസ്തികയിലേക്ക് അപേക്ഷിക്കുന്നവർ സ്റ്റാറ്റിസ്റ്റിക്സ് അല്ലെങ്കില് മാത്തമാറ്റിക്സ് അല്ലെങ്കില് ഇക്കണോമിക്സ് എന്നിവയിലേതെങ്കിലും നിർബന്ധമായി പഠിച്ചിരിക്കണം.
സ്റ്റാറ്റിസ്റ്റിക്കല് ഇന്വെസ്റ്റിഗേറ്റർ ഗ്രേഡ് 2 തസ്തികയിലേക്ക് അപേക്ഷിക്കുന്നവർക്ക് സ്റ്റാറ്റിസ്റ്റിക്സ് ബിരുദം വേണം. അല്ലെങ്കില് സ്റ്റാറ്റിസ്റ്റിക്സ് വിഷയമായി പഠിച്ച് മാത്തമാറ്റിക്സ്/ഇക്കണോമിക്സ്/കൊമേഴ്സ് എന്നിവയിലേതെങ്കിലുമൊരു ബിരുദം. ഇന്സ്പെക്റ്റർ (സെന്ട്രല് എക്സൈസ്/എക്സാമിനർ/ പ്രിവന്റീവ് ഓഫീസർ/ഇന്സ്പെക്റ്റർ/ സബ്ഇന്സ്പെക്റ്റർ) തസ്തികകളിലേക്ക് അപേക്ഷിക്കുന്നവർക്കു മികച്ച ശാരീരിക യോഗ്യതകള് വേണം. പുരുഷന്മാർക്ക് ഉയരം 157.5 സെ.മീ., നെഞ്ചളവ് 81 സെ.മീ., അഞ്ചു സെമീ വികാസം. 15 മിനിറ്റില് 1.6 കിലോമീറ്റർ നടത്തം. 30 മിനിറ്റില് എട്ടു കിലോമീറ്റർ സൈക്ലിംഗ് എന്നീ ശാരീരിക യോഗ്യതാ പരീക്ഷകള് നടത്തും.
വനിതകള്ക്കു 152 സെമീ ഉയരവും 48 കിലോഗ്രാം ശരീരഭാരവും വേണം. 20 മിനിറ്റില് ഒരു കിലോമീറ്റർ നടത്തം. 25 മിനിറ്റില് മൂന്നുകിലോമീറ്റർ സൈക്ലിംഗ് എന്നിവ നടത്തും. ഓൺലൈനായും ഒഫ് ലൈനായും അപേക്ഷിക്കാന് അവസരമുണ്ട്.
പ്രായം : 2023 ജനുവരി ഒന്ന് അടിസ്ഥാനമാക്കി പ്രായം കണക്കാക്കും. നിലവില് യോഗ്യത നേടിയവർ മാത്രം അപേക്ഷിച്ചാല് മതി. 2023 ജനുവരി ഒന്ന് അടിസ്ഥാനമാക്കി യോഗ്യത കണക്കാക്കും. 2020 ഫെബ്രുവരി 14ന് 15 വർഷം സർവീസുള്ള പത്താം ക്ലാസ് പാസാ യ വിമുക്ത ഭടന്മാർക്കു ഗ്രൂപ്പ് സി തസ്തികകളിലേക്ക് അപേക്ഷിക്കാം.
അപേക്ഷാഫീസ് : 100 രൂപ. സ്ത്രീകള് /പട്ടികവിഭാഗം/വികലാംഗർ/വിമുക്തഭടന്മാർക്ക് ഫീസില്ല. ഒഫ്ലൈനായി അപേക്ഷിക്കുന്നവർ ഒറ്റ സെന്ട്രല് റിക്രൂട്ട്മെന്റ് ഫീ സ്റ്റാമ്പ് മുഖേന മാത്രം ഫീസടയ്ക്കുക. മറ്റുള്ളവ സ്വീകരിക്കില്ല. ഓൺലൈന് അപേക്ഷ സമർപ്പിക്കുന്നവർ സ്റ്റേറ്റ് ബാങ്ക് ഒഫ് ഇന്ത്യ വഴി ഫീസടയ്ക്കണം.
പരീക്ഷാകേന്ദ്രങ്ങള് : തിരുവനന്തപുരം, കൊച്ചി, തൃശൂർ, കോഴിക്കോട് എന്നിവിടങ്ങളില് ഒന്നാം ഘട്ട പരീക്ഷയ്ക്കു കേന്ദ്രമുണ്ട്. ബാംഗ്ലൂർ, മംഗലാപുരം, ഗുല്ബർഗ, ധർവാർ എന്നിവയാണ് അടുത്തുള്ള മറ്റു പരീക്ഷാകേന്ദ്രങ്ങള്.
തെരഞ്ഞെടുപ്പ് : 1. ഒന്നാം ഘട്ടം എഴുത്തു പരീക്ഷ (ഒബ്ജക്റ്റീവ്), 2. രണ്ടാം ഘട്ടം എഴുത്തു പരീക്ഷ(ഒബ്ജക്റ്റീവ്) 3. മൂന്നാം ഘട്ടത്തില് ഇന്റർവ്യൂ/പേഴ്സണാലിറ്റി ടെസ്റ്റ് കംപ്യൂട്ടർ പ്രൊഫിഷ്യന്സി ടെസ്റ്റ് അല്ലെങ്കില് സ്കില് ടെസ്റ്റ് എന്നിവയുടെ അടിസ്ഥാനത്തിലാണു തെരഞ്ഞെടുപ്പ്.
അപേക്ഷിക്കേണ്ട വിധം : (ഓൺലൈന്): www.ssconline.nic.in എന്ന വെബ്സൈറ്റ് മുഖേന ഓൺലൈന് അപേക്ഷ സമർപ്പിക്കാം. ഇതിനുശേഷം വേണം രണ്ടാം ഘട്ടം അപേക്ഷ പൂരിപ്പിക്കാന് . വെബ്സൈറ്റില് നിന്നു ഫോം ഡൗൺലോഡ് ചെയ്തു പൂരിപ്പിക്കണം.
വിശദവിവരങ്ങള്ക്ക് വെബ്സൈറ്റ്: ww.ssconline.nic.in.
