സംസ്ഥാന ടൂറിസം വകുപ്പിന്‍റെ മാനെജ്മെന്‍റ് ഇന്‍സ്റ്റിറ്റ്യൂട്ടായ കിറ്റ്‌സില്‍ എം.ബി.എ. (ട്രാവല്‍ ആന്‍ഡ് ടൂറിസം) 2023-25 ബാച്ചിലേക്ക് ഓണ്‍ലൈനായി അപേക്ഷിക്കാം. അംഗീകൃത സര്‍വകലാശാലയില്‍ നിന്നും ഏതെങ്കിലും വിഷയത്തില്‍ 50 ശതമാനം മാര്‍ക്കോടു കൂടിയ ഡിഗ്രിയും, കെമാറ്റ്/സിമാറ്റ്/ക്യാറ്റ് യോഗ്യതയും ഉള്ളവര്‍ക്കും അവസാന വര്‍ഷ ഡിഗ്രി വിദ്യാർഥികള്‍ക്കും www.kittsedu.org വഴി അപേക്ഷിക്കാം.
കേരള സർവകലാശാലയുടേയും എ.ഐ.സി.ടി.ഇ.യുടേയും അംഗീകാരത്തോടെ നടത്തുന്ന ദ്വിവത്സര ട്രാവല്‍, ടൂര്‍ ഓപ്പറേഷന്‍ , ഹോസ്പിറ്റാലിറ്റി, എയര്‍പോര്‍ട്ട് മാനെജ്മെന്‍റ് എന്നി വിഷയങ്ങളില്‍ സ്‌പെഷ്യലൈസേഷനും ജര്‍മ്മന്‍ , ഫ്രഞ്ച് ഭാഷകള്‍ പഠിക്കാനും അവസരമുണ്ട്. വിജയികളാകുന്ന വിദ്യാർഥികള്‍ക്ക് 100 ശതമാനം പ്ലേസ്‌മെന്‍റ്അസിസ്റ്റന്‍ഡ്‌സ് നല്‍കുന്നു. എസ്.സി/എസ്.ടി വിദ്യാർഥികള്‍ക്ക് സര്‍ക്കാര്‍ അനുവദിച്ചിട്ടുള്ള സംവരണവും ആനുകൂല്യങ്ങളും ലഭിക്കും. അപേക്ഷ ലഭിക്കേണ്ട അവസാന തീയതി മാര്‍ച്ച് 20. കൂടുതല്‍ വിവരങ്ങള്‍ക്ക് www.kittsedu.org, 9446529467 9847273135/ 0471-2327707 എന്നീ നമ്പരുകളില്‍ ബന്ധപ്പെടാം.
