ആനന്ദ് മധുസൂദനനും ശ്രീജയും വിവാഹ ശേഷം
നടനും സംഗീതസംവിധായകനുമായ ആനന്ദ് മധുസൂദനൻ വിവാഹിതനായി. ശ്രീജ വിജയനാണ് വധു. വിവാഹച്ചിത്രങ്ങൾ സമൂഹമാധ്യമങ്ങളിലൂടെ പങ്കു വച്ചിട്ടുണ്ട്. ചെങ്ങന്നൂർ സബ് രജിസ്ട്രാർ ഓഫിസിൽ വച്ചായിരുന്നു വിവാഹം.
വിശേഷം എന്ന സിനിമയിലാണ് ആനന്ദ് നായകനായി അഭിനയിച്ചിരിക്കുന്നത്. സിനിമയുടെ കഥ, തിരക്കഥ, ഗാനരചന, സംഗീതം എന്നിവയും നിർവഹിച്ചത് ആനന്ദാണ്. പാ.വ എന്ന സിനിമയിലെ പ്രശസ്തമായ പൊടി മീശ മുളക്കണ കാലം എന്ന ഗാനം സംവിധാനം ചെയ്തതും ആനന്ദാണ്.
അടുത്ത സുഹൃത്തുക്കളും കുടുംബാംഗങ്ങളും മാത്രമാണ് വിവാഹത്തിൽ പങ്കെടുത്തത്. ലളിതമായ ചടങ്ങുകളായിരുന്നു എന്നും ഇതി ഞങ്ങളുടെ അറിയിപ്പായി കണക്കാക്കി അനുഗ്രഹങ്ങൾ ചൊരിയണമെന്നും സോഷ്യൽമീഡിയയിൽ ആനന്ദ് കുറിച്ചിട്ടുണ്ട്.
