നടൻ രാജശേഖരൻ അന്തരിച്ചു; ആദരാഞ്ജലി അർപ്പിച്ച് മമ്മൂട്ടി

കോട്ടയം: സിനിമാ- സീരിയൽ താരം ‌രാജശേഖരൻ അന്തരിച്ചു. സിനിമയിൽ നിരവധി പൊലീസ് വേഷങ്ങൾ കൈകാര്യം ചെയ്തിരുന്നതു കൊണ്ട് എസ്ഐ രാജശേഖരൻ എന്നാണ് അറിയപ്പെട്ടിരുന്നത്. നായർ സാബ്, സേതുരാമയ്യർ സിബിഐ, കണ്ണൂർ സെൻട്രൽ ജയിൽ, താപ്പാന, നമ്പർ 20 മദ്രാസ് മെയിൽ, പാറശാല പാച്ചൻ പയ്യന്നൂർ പരമു, ഒരു സെക്കൻഡ് ക്ലാസ് യാത്ര, സന്ദർഭം, രാജാവിന്‍റെ മകൻ, വഴിയോരക്കാഴ്ചയകൾ, മുദ്ര തുടങ്ങി നിരവധി സിനിമകളിൽ അഭിനയിച്ചിട്ടുണ്ട്.

കോട്ടയം ചിങ്ങവനത്താണ് താമസം. നടൻ മമ്മൂട്ടി സമൂഹമാധ്യമങ്ങളിലൂടെ രാജശേഖരന് ആദരാജ്ഞലികൾ അർപ്പിച്ചു.