രൺവീർ സിങ്
ആദിത്യ ധറിന്റെ സംവിധാനത്തിൽ രൺവീർ സിങ് മുഖ്യ വേഷത്തിലെത്തി അടുത്തിടെ തിയെറ്ററിലെത്തിയ ചിത്രമാണ് ധുരന്ധർ. ആദ്യ ഭാഗത്തിന് ലഭിച്ചതിനേക്കാൾ മികച്ച പ്രതികരണം ചിത്രത്തിന്റെ രണ്ടാം ഭാഗത്തിന് ലഭിച്ചിരുന്നു. ഇപ്പോഴിതാ ധുരന്ധർ 2 വിന്റെ ആഗോള ഗ്രോസ് 1500 കോടി രൂപ പിന്നിട്ടിരിക്കുകയാണ്.
തിയെറ്ററിലെത്തി രണ്ടാഴ്ച പൂർത്തിയാകുമ്പോഴാണ് ഈ നേട്ടം എന്നതാണ് ശ്രദ്ധേയം. ഇന്ത്യയിൽ നിന്നും മാത്രം ഇതുവരെ നേടിയ നെറ്റ് ഗ്രോസ് കളക്ഷൻ 961 കോടിയാണ്. വരും ദിവസങ്ങളിലും ഇതുപോലെ ബോക്സ് ഓഫിസിൽ ചിത്രം മുന്നേറുകയാണെങ്കിൽ ഇന്ത്യയിൽ നിന്ന് മാത്രം 1,000 കോടി നെറ്റ് ഗ്രോസ് നേട്ടം സ്വന്തമാക്കുന്ന ചിത്രമെന്ന നേട്ടം ധുരന്ധർ 2 വിന് സ്വന്തമാക്കാം.
