ലോ ആൻഡ് ഓർഡർ പുതിയ പോസ്റ്റർ.
തുടരും എന്ന സിനിമയിലൂടെ പ്രേക്ഷകരുടെ കൗതുകമായി മാറിയ ജോർജ് സാറിനെ അവതരിപ്പിച്ച പ്രകാശ് വർമയുടെ പൊലീസ് യൂണിഫോമിലുള്ള വലിയ പോസ്റ്റർ. താഴെ ഓടുന്ന അഞ്ച് ചെറുപ്പക്കാർ, അവരിൽ മൂന്നു പേർ പോലീസ് യൂണിഫോമിൽ മറ്റു രണ്ടു പേർ സിവിൽ ഡ്രസിൽ. രഞ്ജിത്ത് സംവിധാനം ചെയ്യുന്ന ലോ ആൻഡ് ഓർഡർ എന്ന ചിത്രത്തിന്റെ റിലീസ് ഡേറ്റ് പ്രഖ്യാപിച്ചു കൊണ്ടുള്ള പുതിയ പോസ്റ്ററാണിത്.
ജൂലൈ ഇരുപത്തിനാലിന് ചിത്രം പ്രദർശനത്തിനെത്തുന്നതിന്റെ പ്രഖ്യാപനമാണ് പോസ്റ്റർ. സത്യം സിനിമാസ് & മഹാ സുബൈർ മൂവി ക്ഷേത്രയുടെ ബാനറിൽ എ.ജി. പ്രേമചന്ദ്രൻ, മഹ സുബൈർ എന്നിവരാണ് ചിത്രം നിർമിക്കുന്നത്. ഉദയ് കൃഷ്ണയുടേതാണ് തിരക്കഥ.
അഞ്ച് യുവ എസ്ഐമാരുടെയും അവർക്കു താങ്ങും തണലുമാകുന്ന ഒരു പൊലീസ് ഓഫിസറുടെയും ഔദ്യോഗിക ജീവിതത്തിലൂടെയാണ് ഈ ചിത്രത്തിന്റെ കഥാ സഞ്ചാരം. ആക്ഷന് ഏറെ പ്രാധാന്യം നൽകി മാസ് എന്റർടെയ്നറായി അവതരിപ്പിക്കുന്ന ചിത്രം വലിയ മുതൽ മുടക്കിലാണ് ഒരുക്കുന്നത്.
90 ദിവസത്തോളം നീണ്ട ചിത്രീകരണം കൊച്ചി, തിരുവനന്തപുരം, കോട്ടയം, വയനാട്, കണ്ണൂർ എന്നിവിടങ്ങളിലായാണ് പൂർത്തിയായിരിക്കിയത്.
പ്രകാശ് വർമയ്ക്കൊപ്പം അഭിരാമിയും ഈ ചിത്രത്തിൽ സുപ്രധാന കഥാപാത്രത്തെ അവതരിപ്പിക്കുന്നു. ഗാനങ്ങൾ - ഷിബു ചക്രവർത്തി, സംഗീതം - ജോ ഡാനിയേൽ, പശ്ചാത്തല സംഗീതം - ബിജിബാൽ, ഛായാഗ്രഹണം - പ്രശാന്ത് രവീന്ദ്രൻ, എഡിറ്റിംഗ് - മനോജ് കണ്ണോത്ത്.
