ന്യൂഡൽഹി: ബോളിവുഡ് സുന്ദരി പരിണീതി ചോപ്രയും ആം ആദ്മി പാർട്ടി നേതാവ് രാഘവ് ഛദ്ദയുമായുള്ള പ്രണയം വിവാഹത്തിലേക്ക്. ഇരുവരുടെയും വിവാഹ നിശ്ചയം മേയ് 13 ന് ഡൽഹിയിൽ വച്ചു നടക്കും. ചടങ്ങിൽ ബന്ധുക്കളും സുഹൃത്തുക്കളുമായി 150 പേർ പങ്കെടുത്തേക്കും.
രാജ്യസഭാ എംപി കൂടിയായ രാഘവ് പരിണീതിയോടൊപ്പം ചൊവ്വാഴ്ച വൈകിട്ടോടെ ഡൽഹിയിലെത്തും. പരിണീതിയെയും രാഘവിനെയും പതിവായി മുംബൈയിൽ ഒരുമിച്ചു കണ്ടതോടെയാണ് ഇരുവരും പ്രണയത്തിലാണെന്ന വിധത്തിലുള്ള ഗോസിപ്പുകൾ ശക്തമായത്.
രാജ്യസഭ എംപി സഞ്ജീവ് അറോറ ഇരുവരെയും അഭിനന്ദിച്ചു കൊണ്ട് ട്വീറ്റ് ചെയ്തതോടെ വിവാഹവാർത്ത വെറും ഗോസിപ്പല്ലെന്ന് വ്യക്തമായി. 34 കാരനായ രാഘവ് രാജ്യസഭയിലെ ഏറ്റവും പ്രായം കുറഞ്ഞ എംപിയാണ്. പരിണീതിയും രാഘവും വിവാഹനിശ്ചയ വാർത്തകൾ ശരിയാണെന്ന് പ്രതികരിച്ചിട്ടുണ്ട്.
