ന്യൂഡൽഹി: പാന് 2.0 പ്രഖ്യാപിച്ചതിനു പിന്നാലെ ഇപിഎഫ്ഒ 3.0 പ്ലാന് അവതരിപ്പിക്കാനൊരുങ്ങുകയാണ് കേന്ദ്ര സർക്കാർ. ഇതിന്റെ ഭാഗമായി ഇപിഎഫിന് ഡെബിറ്റ് കാര്ഡ് മോഡല് കാര്ഡ് നല്കാനാണ് കേന്ദ്ര തൊഴിൽ മന്ത്രാലയത്തിന്റെ തീരുമാനം. 2025 മെയ്-ജൂണ് മാസത്തോടെ പദ്ധതി നടപ്പിലാകുമെന്നാണ് പ്രതീക്ഷിക്കുന്നത്.
ഡെബിറ്റ് കാര്ഡ് മോഡൽ വരുന്നതോടെ ഇപിഎഫ് അക്കൗണ്ടിലെ പണം എടിഎം വഴി പിന്വലിക്കാനാകും. നിലവില് ഇപിഎഫ് അക്കൗണ്ടില് നിന്ന് ബാങ്ക് അക്കൗണ്ടിലേക്ക് പണം മാറ്റിയെടുക്കാന് 7-10 ദിവസമെടുക്കും. എല്ലാ പിന്വലിക്കല് നടപടിക്രമങ്ങളും പൂര്ത്തിയാക്കി ആവശ്യമായ രേഖകള് ഇപിഎഫ്ഒയ്ക്ക് സമര്പ്പിച്ചതിന് ശേഷമാണ് ഇത് ചെയ്യുന്നത്.
കൂടാതെ, ജീവനക്കാര് നല്കുന്ന പിഎഫ് വിഹിതത്തിന്റെ 12% പരിധി എടുത്തുകളയാനും കേന്ദ്രം ആലോചിക്കുന്നുണ്ട്. ഇതോടെ ജീവനക്കാര്ക്ക് അവരുടെ സേവിങ്സ് മുന്ഗണനകളെ അടിസ്ഥാനമാക്കി പിഎഫ് അക്കൗണ്ടുകളിലേക്ക് കൂടുതൽ പണമടയ്ക്കാനുള്ള സൗകര്യം ലഭിക്കും. എന്നാൽ, തൊഴിലുടമ അടയ്ക്കുന്ന വിഹിതത്തിൽ വർധനയുണ്ടാകില്ല.
