50 കോടി രൂപ !! ലോകത്തിലെ ഏറ്റവും വിലകൂടിയ നായയെ സ്വന്തമാക്കി ബെംഗളൂരു സ്വദേശി | Video

50 കോടി രൂപ ചെലവിട്ട് 'കാഡബോംസ് ഒകാമി' എന്നുപേരുള്ള അപൂർവിയിനം വുൾഫ് ഡോ​ഗിനെ സ്വന്തമാക്കിയ ബെം​ഗളൂരു സ്വദേശി സതീഷ്. ഇന്ത്യൻ ഡോ​ഗ് ബ്രീഡർ അസോസിയേഷൻ പ്രസിഡന്‍റ് കൂടിയാണ് എസ് സതീഷ്. കോക്കേഷ്യൻ ഷെപ്പേഡ് ഇനത്തിൽപ്പെട്ട നായയും ചെന്നായയും ചേ‍ർന്ന സങ്കരയിനമാണ് ഇത്.

ഫെബ്രുവരിയിലാണ് യുഎസിൽ നിന്ന് 8മാസം പ്രായമുള്ള ഒകാമി ബെം​ഗളൂരുവിലെത്തിയത്. 75 കിലോഭാരവും 30 ഇഞ്ച് ഉയരുവുമുണ്ട് ഈ നായയ്ക്ക്. ദിവസം 3കിലോ മാംസം ആഹാരമാണ് വേണ്ടത്. ഷൂട്ടിങ്ങിന് വിട്ടുനൽകിയാൽ അരമണിക്കൂറിന് 2.45 ലക്ഷവും 5 മണിക്കൂറിന് 10 ലക്ഷം രൂപയും ഈടാക്കാനാണ് ഉടമയുടെ തീരുമാനം.

വിവിധ ഇനങ്ങളിൽപ്പെട്ട 150 നായകളാണ് സതീഷിന്‍റെ ബ്രീഡി ങ് കേന്ദ്രത്തിലുള്ളത്. കന്നുകാലികളെ സംംരക്ഷിക്കുന്നതിൽ പ്രശസ്തി നേടിയ കോക്കേഷ്യൻ ഷെപ്പേഡ് ഇനത്തിൽപ്പെട്ട നായയെ മുൻപ് 20കോടിക്ക് സ്വന്തമാക്കി സതീഷ് വാർത്തകളിൽ ഇടംപിടിച്ചിരുന്നു.