സ്ത്രീകൾ അവഗണിക്കുന്ന ഹാർട്ട് അറ്റാക്ക് ലക്ഷണങ്ങൾ

ഹൃദയാഘാതത്തിനു മുൻപായി ശരീരം പല തരത്തിലുള്ള ലക്ഷണങ്ങൾ പ്രകടിപ്പിക്കും. എന്നാൽ പ്രായമായതിന്‍റെ പ്രശ്നങ്ങൾ എന്ന പേരിൽ ഈ ലക്ഷണങ്ങളെയെല്ലാം അവഗണിക്കുകയാണ് പതിവ്. ചിലർ ജോലിഭാരം, മെനോപോസ്, മാനസികസമ്മർദം, ജീവിത ശൈലി എന്നിവ മൂലമുണ്ടാകുന്ന പ്രശ്നങ്ങളായിരിക്കും എന്ന് തെറ്റിദ്ധരിക്കുകയും ചെയ്യും. ഇത്തരം ലക്ഷണങ്ങൾ കണ്ടാൽ കൃ‌ത്യ സമയത്ത് ചികിത്സ തേടേണ്ടത് അത്യാവശ്യമാണ്.

ലക്ഷണങ്ങൾ

• ശ്വാസതടസം

• നെഞ്ചിൽ ഭാരം അല്ലെങ്കിൽ അസ്വസ്ഥത

• താടി, കഴുത്ത്, തോൾ, കൈകൾ എന്നിവിടങ്ങളിലെ വേദന

• ക്ഷീണം

• പെട്ടെന്നുള്ള വിയർപ്പ്

• ദഹനക്കുറവ് അല്ലെങ്കിൽ ഛർദ്ദിക്കാനുള്ള തോന്നൽ

• ഉറക്കമില്ലായ്മ

എഴുപത് ശതമാനം സ്ത്രീകളും ഇത്തരം ലക്ഷണങ്ങൾ അവഗണിക്കുയാണെന്നാണ് വിദഗ്ധർ പറയുന്നത്. ഹൃദയാഘാതം മൂലം മരിക്കുന്നവരിൽ മൂന്നിലൊരു വിഭാഗം സ്ത്രീകളാണെന്നാണ് നാഷണൽ ഹാർട്ട് ഫെയിലർ രജിസ്ട്രിയുടെ കണക്കുകൾ സൂചിപ്പിക്കുന്നത്.

ഹൃദയാഘാതത്തിനു കാരണം

• മാനസികസമ്മർദം

• പൊണ്ണത്തടി

• പ്രമേഹം

• വ്യായാമയില്ലായ്മ

• ഉപ്പ് അധികമുള്ള ഭക്ഷണം കഴിക്കുന്നത്