ഗോകുൽദാസ് മേനോന്റെ പുസ്തകങ്ങൾ പ്രകാശനം ചെയ്തു
കൊച്ചി: അമൃത ആശുപത്രിയിലെ അനെസ്തേറ്റിസ്റ്റ് ഡോ. ഗോകുൽദാസ് മേനോൻ രചിച്ച ചെറുകഥാ സമാഹാരമായ 'വിധിയുടെ വിനോദം", കവിതാ സമാഹാരമായ 'ആത്മാവിൻ രാഗം" എന്നിവ പ്രകാശനം ചെയ്തു. ആശുപത്രിയിൽ നടന്ന ചടങ്ങിൽ സ്വാമി പൂർണാമൃതാനന്ദപുരി പുസ്തകങ്ങൾ പ്രകാശനം ചെയ്തു. ഡോ. പ്രതാപൻ നായർ പി. അധ്യക്ഷത വഹിച്ചു.
ഡോ.കെ.എൻ. രാഘവൻ, ഡോ. ആനന്ദ് കുമാർ, പാവുമ്പ മനോജ് എന്നിവർ പുസ്തക പരിചയം നിർവഹിച്ചു.
ഡോ. ഉഷ മേനോൻ, അഡ്വ. ശിവകുമാർ മേനോൻ, അശ്വതി നമ്പ്യാർ എന്നിവർ ആശംസകൾ നേർന്നു. ഡോ. നാരായണൻ സ്വാഗതവും ഡോ. ഗോകുൽദാസ് നന്ദിയും പറഞ്ഞു.
