കൊച്ചി: തൃശൂർ ജില്ലയിലെ ഒല്ലൂർ റെയ്ൽവേ സ്റ്റേഷനിലും എറണാകുളം ജില്ലയിലെ തൃപ്പൂണിത്തുറ റെയ്ൽവേ സ്റ്റേഷൻ യാഡിലും ട്രാക്ക് നവീകരണം നടത്തുന്നതിനാല്‍ ട്രെയ്ന്‍ ഗതാഗതത്തില്‍ നിയന്ത്രണം ഏര്‍പ്പെടുത്തി.
ഷൊര്‍ണൂരില്‍ നിന്നു രാവിലെ 3.30നു പുറപ്പെടുന്ന ഷൊര്‍ണൂര്‍ ജംക്‌ഷന്‍ - എറണാകുളം എക്‌സ്പ്രസ് (06017) 22, 29 തീയതികളില്‍ റദ്ദാക്കി. ചെന്നൈ എഗ്‌മോര്‍ - ഗുരുവായൂര്‍ എക്‌സ്പ്രസ് (16127) 21, 28 തീയതികളില്‍ ചാലക്കുടിക്കും ഗുരുവായൂരിനുമിടെ സര്‍വീസ് നടത്തില്ല. ഗുരുവായൂരില്‍ നിന്നു രാവിലെ 3.25നു പുറപ്പെടേണ്ട ഗുരുവായൂര്‍ - തിരുവനന്തപുരം എക്‌സ്പ്രസ് (16341) 22, 29 തീയതികളില്‍ എറണാകുളം ജംക്‌ഷനില്‍ നിന്നു രാവിലെ 5.20ന് സര്‍വീസ് തുടങ്ങും. തിരുവനന്തപുരം - ഗുരുവായൂര്‍ എക്‌സ്പ്രസ് (16342) 21, 28 തീയതികളില്‍ എറണാകുളം ജംക്‌ഷനില്‍ സര്‍വീസ് അവസാനിപ്പിക്കും.
ഗുരുവായൂര്‍ - പുനലൂര്‍ എക്‌സ്പ്രസ് (16328) 21, 28 തീയതികളില്‍ ഗുരുവായൂരില്‍ നിന്നു 45 മിനിറ്റ് വൈകി പുറപ്പെടും. അജ്മീര്‍ - എറണാകുളം മരുസാഗര്‍ എക്‌സ്പ്രസ് (12978) 20, 27 തീയതികളില്‍ തൃശൂരിൽ സർവീസ് അവസാനിപ്പിക്കും. മൈസൂരു ജംക്‌ഷന്‍ - കൊച്ചുവേളി എക്‌സ്പ്രസ് (16315) 21, 28 തീയതികളില്‍ രണ്ടു മണിക്കൂര്‍ വൈകി മാത്രമേ മൈസൂരുവില്‍ നിന്നു യാത്ര തുടങ്ങൂ.
