തിരുവനന്തപുരത്ത് എംഡിഎംഎയുമായി സിപിഐ നേതാവ് അറസ്റ്റിൽ

തിരുവനന്തപുരം: തിരുവനന്തപുരത്ത് എംഡിഎംഎയുമായി സിപിഐ നേതാവുൾപ്പെടെ 2 പേർ അറസ്റ്റിൽ. കൃഷ്ണചന്ദ്രൻ, ആലി മുഹമ്മദ് എന്നിവരാണ് പിടിയിലായത്. കൃഷ്ണചന്ദ്രന്‍റെ പക്കൽ നിന്ന് 4.50 ഗ്രാമും ആലി മുഹമ്മദിന്‍റെ പക്കൽ നിന്നും 5 ഗ്രാമും എംഡിഎംഎ പിടിച്ചെടുത്തു.

വഴുതക്കാട് സ്വദേശിയും സിപിഐ പാളയം ലോക്കൽ കമ്മറ്റി അംഗവുമാണ് കൃഷ്ണചന്ദ്രൻ. എഐവൈഎഫ് തിരുവനന്തപുരം മണ്ഡലം മുൻ സെക്രട്ടറിയായിരുന്നു.

ബൈക്കിലെത്തിയ രണ്ടുപേർക്ക് എംഡിഎംഎ കൈമാറുന്നുവെന്ന രഹസ്യ വിവരത്തെത്തുടർന്ന് എക്സൈസ് നടത്തിയ തെരച്ചിലിലാണ് ഇവരെ പിടികൂടിയത്. ബൈക്കുകളും മൊബൈൽ ഫോണുകളും പിടിച്ചെടുത്തു.