തിരുവനന്തപുരം: സ്കൂൾ വിദ്യാർഥിനിയെ ശാരീരികമായി ഉപദ്രവിച്ച കേസിൽ അറുപതുകാരൻ അറസ്റ്റിലായി. അഞ്ചുമരംകാല മൈലകുന്ന് ഹന്ന ഭവനിൽ സെൽവരാജ് ആണ് പിടിയിലായത്.
ഒരു വർഷം മുമ്പായിരുന്നു കേസിനാസ്പദമായ സംഭവം. സ്കൂളിൽ നടന്ന കൗൺസിലിങ്ങിനിടെയാണ് വിദ്യാർഥിനി ഈ കാര്യം അധികൃതരെ അറിയിക്കുന്നത്. തുടർന്ന് വെള്ളറട പൊലീസിൽ പരാതി നൽകുകയായിരുന്നു.
സർക്കിൾ ഇൻസ്പെക്ടർ പ്രസാദിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
