ചേർത്തല: ആലപ്പുഴയിൽ പ്രായമാവാത്ത ആൺകുട്ടിയെ ലൈംഗികമായി പീഡിപ്പിച്ച 60-കാരനെ പൊലീസ് അറസ്റ്റ് ചെയ്തു. ചേർത്ത സ്വദേശിയായ പുഷ്ക്കരനെയാണ് അർത്തുങ്കൽ പൊലീസ് പിടികൂടിയത്. പ്രായമാകാത്ത ആൺകുട്ടിയെ ഇയാൾ മാസങ്ങളോളം പീഡിപ്പിച്ചെന്ന രക്ഷിതാക്കളുടെ പരാതിയിലാണ് നടപടി.
ഇയാൾ കുട്ടിയെ പലസ്ഥലങ്ങളിൽ വിളിച്ച് വരുത്തിയും മൊബൈൽ ഫോണിലൂടെ നിരന്തരം പിന്തുടർന്നുമാണ് ലൈംഗീക അതിക്രമം നടത്തിയത്. കുട്ടിയുടെ പെരുമാറ്റത്തിൽ സംശയം നോന്നിയ രക്ഷിതാക്കൾ പൊലീസിൽ രഹസ്യമായി പരാതി നൽകുകയായിരുന്നു. തന്നെ പ്രതി പീഡിപ്പിച്ച വിവരം കുട്ടിയും പൊലീസിനോട് മൊഴി നൽകി. പോക്സോ ചുമത്തി കോടതിയിൽ ഹാജരാക്കിയ പ്രതിയെ ജുഡീഷ്യൽ കസ്റ്റഡിയിൽ വിട്ടു.
