സുജിത്ത്
ആലപ്പുഴ: എംഡിഎംഎയും കഞ്ചാവുമായി ബസ് കണ്ടക്റ്റർ പിടിയിൽ. മാവേലിക്കര വള്ളികുന്നം സ്വദേശി സുജിത്ത് (28) ആണ് പിടിയിലായത്. മൂന്നു പൊതി എംഡിഎംഎയും ഒരു പൊതി കഞ്ചാവും ഇയാളിൽ നിന്നും എക്സൈസ് കണ്ടെടുത്തു.
കായംകുളം കെപി റോഡിൽ എക്സൈസ് നടത്തിയ പരിശോധനയിലാണ് പ്രതി പിടിയിലായത്. കായംകുളം പന്തളം റൂട്ടിലോടുന്ന സ്വകാര്യ ബസിലെ കണ്ടക്റ്ററായിരുന്ന പ്രതി 1,500 രൂപയ്ക്കാണ് ലഹരി വസ്തുക്കൾ ആവശ്യക്കാർക്ക് വിൽപ്പന നടത്തിയിരുന്നത്.
