അനാമുൽ ഹഖ്, അസറുൽ ഇസ്ലാം.
കോതമംഗലം: പൊതുസ്ഥലത്തു വച്ച് രാസലഹരി ഉപയോഗിച്ചതിന് രണ്ട് പേർ അറസ്റ്റിൽ. അസം മൊറിഗാവ് സ്വദേശി അനാമുൽ ഹഖ് (29), നാഗോൺ സ്വദേശി അസറുൽ ഇസ്ലാം (21) എന്നിവരെയാണ് പെരുമ്പാവൂർ എഎസ്പിയുടെ നേതൃത്വത്തിലുള്ള പ്രത്യേക അന്വേഷണ സംഘം പിടികൂടിയത്.
കഴിഞ്ഞദിവസം പെരുമ്പാവൂരിൽ ഇവർ സിറിഞ്ച് ഉപയോഗിച്ച് മയക്കുമരുന്ന് കുത്തുന്നത് സമൂഹ മാധ്യമങ്ങൾ വഴി പ്രചരിച്ചിരുന്നു. ഇതു ശ്രദ്ധയിൽപ്പെട്ട ജില്ലാ പൊലീസ് മേധാവി കേസെടുക്കാൻ നിർദേശം നൽകുകയായിരുന്നു. പിടികൂടുമ്പോൾ ഇവരുടെ കൈവശം 6 ബോട്ടിൽ ഹെറോയിനുമുണ്ടായിരുന്നു.
