Crime
600 കോടിയുടെ ലഹരിമരുന്ന് പിടിച്ചു; 14 പാക്കിസ്ഥാനികൾ അറസ്റ്റിൽ
കടൽ മാർഗം 86 കിലോഗ്രാം ലഹരിമരുന്ന് കടത്താനുള്ള ശ്രമമാണ് ഇന്ത്യൻ കോസ്റ്റ് ഗാർഡും ആന്റി ടെററിസം സ്ക്വാഡും ചേർന്ന് തകർത്തത്
പോർബന്ദർ: കടൽമാർഗം 86 കിലോഗ്രാം ലഹരിമരുന്ന് കടത്താൻ ശ്രമിച്ച പാക്കിസ്ഥാനി ബോട്ട് ഇന്ത്യൻ കോസ്റ്റ് ഗാർഡ് കസ്റ്റഡിയിലെടുത്തു. ഇതിലുണ്ടായിരുന്ന 14 പാക് പൗരൻമാരെ അറസ്റ്റ് ചെയ്തിട്ടുണ്ട്.
അന്താരാഷ്ട്ര മയക്കുമരുന്ന് വിപണിയിൽ 600 കോടി രൂപ വിലമതിക്കുന്ന ലഹരിമരുന്നാണ് പിടികൂടിയിരിക്കുന്നത്. കോസ്റ്റ് ഗാർഡും ആന്റി ടെററിസം സ്ക്വാഡും ചേർന്നാണ് ലഹരി വേട്ട നടത്തിയത്.
പിടികൂടിയ പാക് ബോട്ടും പാക് പൗരൻമാരെയും കൂടുതൽ അന്വേഷണത്തിനായി പോർബന്ദറിലാണ് എത്തിച്ചിരിക്കുന്നത്.