കോഴിക്കോട്: കരിപ്പൂർ വിമാനത്താവളത്തിൽ വീണ്ടും സ്വർണവേട്ട. 62 ലക്ഷം രൂപയുടെ സ്വർണം കടത്താന് ശ്രമിച്ച മലപ്പുറം കുറ്റൂർ സ്വദേശി ഫാറൂഖ് (47) ആണ് അറസ്റ്റിലായത്. 1008 ഗ്രാം സ്വർണമാണ് പൊലീസ് പിടിച്ചെടുത്തത്.
സ്വർണം ക്യാപ്സ്യൂൾ രൂപത്തിലാക്കി പൊതിഞ്ഞ് ശരീരത്തിനുള്ളിൽ ഒളിപ്പിച്ചായിരുന്നു സ്വർണക്കടത്ത് ശ്രമം. ഈ വര്ഷം കാലിക്കറ്റ് എയര്പോര്ട്ടിന് പുറത്ത് വെച്ച് പൊലീസ് പിടികൂടുന്ന 38-ാമത്തെ സ്വർണക്കടത്ത് കേസാണിത്.