പെൺ സുഹൃത്തിനൊപ്പം ലോഡ്ജിൽ മുറിയെടുത്ത യുവാവിനെ തൂങ്ങിമരിച്ച നിലയിൽ കണ്ടെത്തി
file image
പത്തനംതിട്ട: പെൺ സുഹൃത്തിനൊപ്പം കുമ്പഴയിലുള്ള ലോഡ്ജിൽ മുറിയെടുത്ത യുവാവ് തൂങ്ങിമരിച്ച നിലയിൽ. ആലപ്പുഴ നൂറനാട് ആദിക്കാട്ട് കുളങ്ങര സ്വദേശി മുഹമ്മദ് സൂഫിയാൻ (22) ആണ് മരിച്ചത്. ലോഡ്ജ് മുറിയിലെ ഫാനിൽ തൂങ്ങിയ നിലയിലായിരുന്നു.
ശനിയാഴ്ച ഉച്ചയോടെയാണ് മുഹമ്മദ് സൂഫിയാനും പെൺസുഹൃത്തും കൂടി ലോഡ്ജിൽ മുറിയെടുത്തത്. തുടർന്ന് ഇവർ തമ്മിൽ അഭിപ്രായ വ്യത്യാസങ്ങളുണ്ടാതായും താൻ ശുചിമുറിയിൽ കയറിയപ്പോൾ മുഹമ്മദ് യൂനുസ് ഫാനിൽ കെട്ടിത്തൂങ്ങുകയായിരുന്നെന്നുമാണ് പെൺകുട്ടിയുടെ മൊഴി.
ഇരുവരും മുൻപും ഇതേ ഹോട്ടലിൽ മുറിയെടുത്തതായി വിവരമുണ്ട്. പൊലീസ് വിശദമായ അന്വേഷണം നടത്തി വരുകയാണ്.
