പത്തനംതിട്ട: മൈലപ്രയിലെ വ്യാപാരിയുടെ കൊലപാതകം അന്വേഷിക്കാൻ പ്രത്യേക സംഘത്തെ നിയോഗിച്ചു. പത്തനംതിട്ട ജില്ലാ പൊലീസ് മേധാവിയുടെ നേതൃത്വത്തിലാണ് കേസ് അന്വേഷിക്കുക. രണ്ട് ഡിവൈഎസിപിമാരും അന്വേഷണ സംഘത്തിലുണ്ട്.
ശനിയാഴ്ച വൈകുന്നേരത്തോടെയാണ് പുതുവേലിൽ ജോർജ് ഉണ്ണുണ്ണിയെ (73) കടയ്ക്കുള്ളിയിൽ മരിച്ച നിലയിൽ കണ്ടെത്തിയത്. വായിൽ തുണി തിരുകി കൈകാലുകൾ കെട്ടിയനിലയിലാണ് മൃതദേഹം കണ്ടെത്തിയത്. ശനിയാഴ്ച വൈകിട്ട് അഞ്ചു മണിയോടെ കടയിൽ സാധനം വാങ്ങാൻ എത്തിയവരാണ് ആദ്യം കണ്ടത്. മോഷണശ്രമത്തിനിടെയുണ്ടായ കൊലപാതകമാണെന്ന നിഗമനത്തിലാണ് പൊലീസ്. കടയിലെ സിസിടിവി ക്യാമറകൾ തകർത്ത നിലയിലാണ്.
