വൻ ലഹരിവേട്ട; ഹാഷീഷ് ഓയിലും എംഡിഎംഎ യുമായി രണ്ടു പേരെ പിടികൂടി
file image
കോഴിക്കോട്: കോഴിക്കോട് ഒരു കിലോ ഹാഷിഷ് ഓയിലും 22 ഗ്രാം എംഡിഎംഎ യുമായി രണ്ടു പേരെ പിടികൂടി. കല്ലായി സ്വദേശി എൻ.പി. ഷാജഹാൻ, ബേപ്പൂരിൽ വാടകയ്ക്ക് താമസിക്കുന്ന ലക്ഷദ്വീപ് സ്വദേശിയായ മുഹമ്മദ് റാസി എന്നിവരെയാണ് കോഴിക്കോട് മാവൂർ റോഡ് പരിസരത്ത് വച്ച് നടക്കാവ് പൊലീസും ഡാൻസാഫും ചേർന്ന് അറസ്റ്റ് ചെയ്തത്.
ഇവർ ആന്ധ്ര പ്രദേശിൽ നിന്നാണ് ലഹരി വസ്തുക്കൾ എത്തിച്ചത്. കല്ലായിയിൽ ട്രെയിൻ ഇറങ്ങി മാവൂർ റോഡിലേക്ക് ഓട്ടോ റിക്ഷയിൽ എത്തിയതായിരുന്നു പ്രതികൾ.
ഇരുവരും മറ്റ് കേസുകളിൽ പ്രതികളാണെന്നും ഷാജഹാൻ 120 കിലോ കഞ്ചാവ് കടത്താൻ ശ്രമിച്ച കേസിൽ നേരത്തെ ആന്ധ്ര പ്രദേശിൽ ജയിൽ ശിക്ഷ അനുഭവിച്ചിട്ടുണ്ടെന്നും പൊലീസ് പറഞ്ഞു.
