രാംനാരായണൻ, കേസിലെ പ്രതികൾ
പാലക്കാട്: വാളയാറിൽ ഛത്തീസ്ഗഡ് സ്വദേശി ക്രൂരമായ ആൾക്കൂട്ട മർദനത്തിനിരയായി കൊല്ലപ്പെട്ട സംഭവത്തിൽ ഒരാൾ കൂടി അറസ്റ്റിൽ. ഒളിവിൽ കഴിയുകയായിരുന്ന ഷാജി എന്നയാളാണ് അറസ്റ്റിലായിരിക്കുന്നത്.
ഇയാൾ മർദനത്തിൽ പങ്കെടുത്തതായാണ് നിഗമനം. ഇതുവരെ 8 പേർ കേസുമായി ബന്ധപ്പെട്ട് അറസ്റ്റിലായിട്ടുണ്ട്. മോഷ്ടാവെന്ന് ആരോപിച്ചായിരുന്നു ഛത്തീസ്ഗഡ് സ്വദേശി രാംനാരായണനെ ആൾക്കൂട്ടം മർദിച്ച് കൊലപ്പെടുത്തിയത്. കേസിൽ സ്ത്രീകൾ ഉൾപ്പടെ പതിനഞ്ചോളം പ്രതികളുണ്ടെന്നാണ് പൊലീസിന്റെ നിഗമനം.
