പന്തളം കൊട്ടാരത്തിൽ മോഷണ ശ്രമം; പശ്ചിമ ബംഗാൾ സ്വദേശി പിടിയിൽ

പത്തനംതിട്ട: പന്തളം കൊട്ടാരത്തിൽ മോഷണ ശ്രമം. പശ്ചിമബംഗാൾ സ്വദേശി പിടിയിലായി. ഞായറാഴ്ച രാത്രിയോടെ കൈപ്പുഴ പുത്തൻ കോയിക്കൽ കൊട്ടാരത്തിലെ ദീപാ വർമയുടെ വീട്ടിലാണ് മോഷണ ശ്രമം നടന്നത്.

പശ്ചിമബംഗാൾ സ്വദേശിയായ സുധാകർ (46) ആണ് പിടിയിലായത്. കള്ളനെ സിസിടിവിയിലൂടെ കണ്ട ദീപാ വർമ ബഹളം വച്ചതിനെ തുടർന്ന് സമീപത്തുള്ള ബന്ധു എത്തി കള്ളനെ പിടികൂടുകയായിരുന്നു. പിന്നാലെ പൊലീസിനെ വിവരമറിയിക്കുകയും അവരെത്തി പ്രതിയെ കസ്റ്റഡിയിൽ എടുക്കുകയുമായിരുന്നു.