കോതമംഗലത്ത് വൻ കഞ്ചാവ് വേട്ട; രണ്ട് പേർ പിടിയിൽ

കോതമംഗലം: കോതമംഗലത്ത് വൻ കഞ്ചാവ് വേട്ട. രണ്ട് പേർ പൊലീസിന്‍റെ പിടിയിൽ. ബംഗാൾ സ്വദേശികളായ മോസ്ലിൻ ഷേയ്ക്ക്, മന്നൻ ഹുസൈൻ എന്നിവരാണ് കോതമംഗലം പൊലീസിന്‍റെ പിടയിലായത്. ഇവരിൽ നിന്ന് ഏകദേശം 17 കിലോയോളം കഞ്ചാവാണ് പിടികൂടിയത്.

സ്യൂട്ട് കേസിലും ബാഗിലുമായി പൊതിക്കെട്ടുകളിലാണ് കഞ്ചാവ് ഒളിപ്പിച്ചിരുന്നത്. ഇരുമലപ്പടി കനാൽപ്പാലം ഭാഗത്ത് പൊലീസ് പട്രോളിംഗിനിടെ സംശയം തോന്നി ചോദ്യം ചെയ്തപ്പോഴാണ് കഞ്ചാവ് കണ്ടെത്തിയത്.