യുവതിയെ കൊന്ന് രണ്ടു കഷ്ണമാക്കി ബാഗുകളിലടച്ച് ട്രെയിനിൽ ഉപേക്ഷിച്ചു

മൃതദേഹത്തിന്‍റെ കൈകളും കാലുകളും കണ്ടെത്താനായിട്ടില്ല.
യുവതിയെ കൊന്ന് രണ്ടു കഷ്ണമാക്കി ബാഗുകളിലടച്ച് ട്രെയിനിൽ ഉപേക്ഷിച്ചു

ഇന്ദോർ: യുവതിയെ കൊലപ്പെടുത്തി രണ്ടു കഷ്ണമാക്കി ബാഗുകളിൽ നിറച്ച് ട്രെയിനിൽ ഉപേക്ഷിച്ച നിലയിൽ കണ്ടെത്തി. മധ്യപ്രദേശിലെ ഇന്ദോറിലെത്തിയ ഡോ. അംബേദ്കർ നഗർ- ഇന്ദോർ പാസഞ്ചർ ട്രെയിനിൽ നിന്നാണ് മൃതശരീരത്തിന്‍റെ ഭാഗങ്ങൾ അടങ്ങിയ ബാഗുകൾ കണ്ടെത്തിയത്. മൃതദേഹത്തിന്‍റെ കൈകളും കാലുകളും കണ്ടെത്താനായിട്ടില്ല. ശനിയാഴ്ച രാത്രിയായിരിക്കാം ബാഗുകൾ ട്രെയിനിൽ ഉപേക്ഷിച്ചതെന്നാണ് പൊലീസിന്‍റ നിഗമനം.

ട്രെയിനിൽ ശുചീകരണത്തിനെത്തിയ ജോലിക്കാർ വിവരമറിയിച്ചതിനെ തുടർന്ന് റെയിൽവേ പൊലീസെത്തി മൃതദേഹം കണ്ടെടുത്തു. 20-25 വയസ് പ്രായമുള്ള സ്ത്രീയുടെ മൃതദേഹമാണെന്നാണ് പ്രാഥമിക നിഗമനം.

മൃതദേഹത്തിന്‍റെ തല മുതൽ വയറു വരെയുള്ള ഭാഗം ഒരു ട്രോളി ബാഗിൽ നിറച്ച നിലയിലും അര മുതലുള്ള ഭാഗം മറ്റൊരു പ്ലാസ്റ്റിക് ബാഗിലുമാണ് നിറച്ചിരുന്നത്. സംഭവത്തിൽ അന്വേഷണം ആരംഭിച്ചു.

Related Stories

No stories found.

Latest News

No stories found.
logo
Metro Vaartha
www.metrovaartha.com