കൽപ്പറ്റ: വയനാട് മുട്ടിൽ വാര്യാട് കെഎസ്ആർടിസി ബസും ഓട്ടോറിക്ഷയും കൂട്ടിയിടിച്ച് 2 മരണം. ഓട്ടോറിക്ഷ ഡ്രൈവർ ഷെരീഫും യാത്രക്കാരി അമ്മിണിയുമാണ് മരിച്ചത്. പരിക്കേറ്റ 2 പേരുടെ നില ഗുരുതരമാണ്. ഇവരെ സുൽത്താൻ ബത്തേരിയിലെ സ്വകാര്യ ആശുപത്രിയിലേക്ക് മാറ്റി.
പാർക്കിങ് സ്ഥലത്തു നിന്ന് റോഡിലേക്ക് ഇറങ്ങുകയായിരുന്ന കാറിൽ തട്ടി നിയന്ത്രണം വിട്ട ഓട്ടോറിക്ഷ എതിർ ദിശയിൽ നിന്നും വന്ന ബസുമായി കൂട്ടിയിടിക്കുകയായിരുന്നു. നിയന്ത്രണം വിട്ട ബസ് അതിനു പിന്നാലെ വന്ന കാറിലും ബൈക്കിലും ഇടിച്ചു.
