കോതമംഗലം : ദൈവം കനിഞ്ഞുനൽകിയ മനോഹരമായ നീളമുള്ള മുടി ക്യാൻസർ രോഗികൾക്ക് വിഗ് ഉണ്ടാക്കാൻ ഈസ്റ്റർ ദിനത്തിൽ മുറിച്ചുനൽകി വേട്ടാമ്പാറ വരിക്കമാക്കിൽ ലൈജു - ഷീബ ദമ്പതികയുടെ രണ്ടാമത്തെ മകൾ ജെയ്ന ലൈജു മാതൃകയായി.
ചെറുപ്പം മുതൽ വളരെ നീളമുള്ള മുടിയായിരുന്നു ജെയ്നയുടെത്. മുറിക്കാതെ വളർത്തികൊണ്ടുവന്ന മുടി കാൻസർ രോഗികൾക്ക് നൽകാനായിരുന്നു ആഗ്രഹം. തുടർന്ന് ഈസ്റ്റർ ദിനത്തിൽ മുടി മുറിച്ചു. കോതമംഗലം രൂപത ആശാകിരണം കാൻസർ സുരക്ഷ പദ്ധതി കോ-ഓഡിനേറ്റർ ജോൺസൻ കറുകപ്പിള്ളിൽ മുടി ഏറ്റുവാങ്ങി. ക്യാൻസർരോഗികൾക്ക് മുടി മുറിച്ച്നൽകുന്നതിൽ സന്തോഷമുണ്ടെന്ന് മാലിപ്പാറ FMUP സ്കൂളിലെ മൂന്നാം ക്ലാസ്സ് വിദ്യാർത്ഥിനികൂടിയായ ജെയ്ന പറഞ്ഞു. ജെയ്നയുടെ ഈ സത്പ്രവർത്തി മറ്റുള്ള വർക്കും മാതൃകയാണ്.
