തിരുവനന്തപുരം: വിവാദങ്ങൾക്കും പ്രതിഷേധങ്ങൾക്കുമിടെ റോഡിലെ എഐ കാമറയില്‍ പതിയുന്ന ട്രാഫിക് നിയമലംഘനങ്ങൾക്ക് ഇന്നലെ രാവിലെ 8 മുതൽ പിഴ ഈടാക്കിത്തുടങ്ങി.
ഇന്നലെ വൈകിട്ട് 5 മണി വരെയുള്ള കണക്കില്‍ 28,891 ട്രാഫിക് നിയമ ലംഘനങ്ങളാണ് കണ്ടെത്തിയത്. ആദ്യദിനം ഏറ്റവും കൂടുതൽ കുറ്റകൃത്യം നടന്നത് കൊല്ലം ജില്ലയിലാണ്- 4,778 ട്രാഫിക് നിയമലംഘനങ്ങളാണ് ജില്ലയില്‍ റിപ്പോർട്ട് ചെയ്തത്. 545 നിയമലംഘനങ്ങള്‍ കണ്ടെത്തിയ മലപ്പുറം ജില്ലയാണ് കണക്കില്‍ ഏറ്റവും പിന്നിലുള്ളത്.
