തിരുവനന്തപുരം: തിരുവനന്തപുരത്ത് പട്രോളിംഗ് പൊലീസ് സംഘത്തിന് നേരെ ആക്രമണം. പൂന്തുറ സ്റ്റേഷനിലെ പട്രോളിംഗ് പൊലീസ് വാഹന പരിശോധന നടത്തുന്നതിനിടയിലാണ് അഞ്ചംഗ സംഘം ആക്രമിച്ചത്. ആക്രമണത്തിൽ എസ്ഐക്ക് പരിക്കേറ്റു.
ഞായറാഴ്ച രാത്രിയായിരുന്നു സംഭവം. ഗ്രേഡ് എസ്ഐ ജയപ്രകാശിനാണ് പരിക്കേറ്റത്. എസ്ഐയുടെ തലക്ക് കമ്പി വടികൊണ്ട് അടിക്കുകയായിരുന്നു. പൂന്തുറ സ്വദേശി ഹുസൈന്‍റെ നേതൃത്വത്തിലായിരുന്നു ആക്രമണം.
