തിരുവനന്തപുരം: കർക്കിടകവാവ് ബലിതർപ്പണം പ്രമാണിച്ച് യാത്രക്കാരുടെ സൗകര്യാർഥം ജൂലൈ 17ന് വിവിധ യൂണിറ്റുകളിൽ നിന്നും വിപുലമായ സൗകര്യങ്ങൾ ഒരുക്കി കെഎസ്ആർടിസി. ബലിതർപ്പണം നടക്കുന്ന കേന്ദ്രങ്ങളിലെ സമീപ ഡിപ്പോകളിൽ നിന്നും അധിക സർവീസ് നടത്താൻ തീരുമാനമായിട്ടുണ്ട്.
വിവിധ യൂണിറ്റുകളിൽ നിന്നും ബലിക്കടവിലേയ്ക്കും തിരിച്ചും സർവീസുകൾ ക്രമീകരിച്ചിട്ടുണ്ട്. തിരുവല്ലം, ശംഖുമുഖം, വേളി, കഠിനംകുളം, അരുവിക്കര, അരുവിപ്പുറം, അരുവിക്കര ശ്രീ ധർമ്മശാസ്താ ക്ഷേത്രം (മാറനല്ലൂർ), വർക്കല, തിരുമുല്ലവാരം, കൊല്ലം, ചേലമറ്റം ശ്രീകൃഷ്ണസ്വാമി ക്ഷേത്രം, ആലുവ, തിരുനെല്ലി ക്ഷേത്രം, തിരുനാവായ ക്ഷേത്രം (മലപ്പുറം), എന്നീ ബലിതർപ്പണ കേന്ദ്രങ്ങളിലേക്കാണ് പ്രധാനമായും സർവീസ് ക്രമീകരിച്ചിട്ടുള്ളത്.
