കോഴിക്കോട്: കോഴിക്കോട് വോട്ട് ചെയ്യാൻ പോയ കുടുംബം സഞ്ചരിച്ച കാർ കത്തി നശിച്ചു. കൂടരഞ്ഞി കക്കാടൻ പൊയിലിലെ താഴെ കക്കാട് പാമ്പുംകാവ് വെച്ചാണ് കാർ കത്തി നശിച്ചത്. പീടികപ്പാറ സ്വദേശി തേനരുവി ജോണും കുടുംബവും സഞ്ചരിച്ചിരുന്ന കാറാണ് കത്തി നശിച്ചത്.
കക്കാടം പൊയിലിലെ 94 ബൂത്തിലേക്ക് വോട്ട് ചെയ്യാൻ പോകും വഴിയായിരുന്നു അപകടം. കാറിന്‍റെ മുൻ വശത്തു നിന്നും പുക ഉയരുന്നതുകണ്ട് കാർനിർത്തി ജോണിം കുടുംബവും പുറത്തിറങ്ങിയതോടെ വൻ ദുരന്തമാണ് ഒഴിവായത്.
