കോതമംഗലം: നടൻ നിവിൻ പോളിക്കെതിരായ പീഡനക്കേസിൽ പരാതിക്കാരിയുടെ പേരും ചിത്രവും പ്രസിദ്ധീകരിച്ച 12 യു ട്യൂബ് ചാനലുകൾക്കെതിരെ ഊന്നുകൽ പോലീസ് കേസെടുത്തു . കോതമംഗലം,നേര്യമംഗലം സ്വദേശിനിയുടെ പരാതിയിൽ നിവിൻ പോളി ഉൾപ്പെടെ 6 പേർക്കെതിരെ പീഡനക്കേസ് എടുത്തിരുന്നു. തുടർന്നാണ് പരാതിക്കാരിയുടെ പേരും ചിത്രവും ഉൾപ്പെടുത്തി യുട്യൂബ് ചാനലുകളിൽ വാർത്ത വന്നത്. ഇതിനെതിരെ യുവതി തിങ്കളാഴ്ച നൽകിയ പരാതിയിലാണ് പൊലീസ് യുട്യൂബർമാർക്കെതിരെ കേസെടുത്തത്.
