തിരുവനന്തപുരം: ക്രിസ്മസ്- ന്യൂയർ ബമ്പർ നറുക്കെടുപ്പിന് ദിവസങ്ങൾ മാത്രം. ജനുവരി 24നാണ് ബമ്പറിന്‍റെ നറുക്കെടുക്കാനിരിക്കേ റെക്കോഡ് വിൽപ്പനയാണ് നടന്നു കൊണ്ടിരിക്കുന്നത്. ഒന്നാം സമ്മാനക്കാരനടക്കം 21 പേരാണ് ഇത്തവണ നറുക്കെടുപ്പു കഴിയുമ്പോൾ കോടിപതികളാകാൻ പോകുന്നത്. ഇരുപതു കോടി രൂപയാണ് ഒന്നാം സമ്മാനം. രണ്ടാം സമ്മാമം ഇരുപതു പേർക്ക് ഒരു കോടി രൂപ വീതമാണ്.
മൂന്നാം സമ്മാനം പത്തലക്ഷം രൂപ വീതം 30 പേർക്കും നാലാം സമ്മാനം മൂന്നു ലക്ഷം രൂപ വീതം 20 പേർക്കും അഞ്ചാം സമ്മാനം രണ്ട് ലക്ഷം രൂപ വീതം 20 പേർക്കും നൽകും. ഇതിനു പുറകേ 5000,4000,1000,500,400 രൂപ എന്നിവയും സമ്മാനങ്ങളുടെ കൂട്ടത്തിലുണ്ട്.
പത്ത് സീരീസുകളിലായാണ് ഇത്തവണ ബമ്പർ ഇറക്കിയിരിക്കുന്നത്. 400 രൂപയാണ് വില.
