വാണിജ്യ പാചക വാതക സിലിണ്ടറിന്‍റെ വില കുറച്ചു

കൊച്ചി: വാണിജ്യ ആവശ്യങ്ങൾക്കുള്ള 19 കിലോ പാചക വാതക സിലിണ്ടറിന്‍റെ വില കുറച്ചു. 90 രൂപയാണ് കുറച്ചത്. ഇതോടെ കേരളത്തിൽ വാണിജ്യ സിലിണ്ടറിന് 2034. 50 പൈസയായി.

ഡൽഹിയിൽ 1173 രൂപ, കൊൽക്കത്തയിൽ 1875.50 രൂപ, മുംബൈയിൽ 1725 രൂപ, ചെന്നൈയിൽ 1937 രൂപയുമായി കുറഞ്ഞു.

സാമ്പത്തിക വർഷത്തിന്‍റെ തുടക്കത്തിൽ പെട്രോളിയം കമ്പനികൾ നിരക്കുകളിൽ മാറ്റം വരുത്താറുണ്ട്. എന്നാൽ ഗാർഹിക സിലിണ്ടറിന്‍റെ വിലയിൽ മാറ്റമില്ല. ആഗോള വിപണിയിലെ എണ്ണയുടെ വിലയിടിവാണ് എൽപിജി വിലയിൽ പ്രതിഫലിക്കുന്നത്. 2 ദിവസത്തിനിടെ ആഗോള വിപണിയിൽ 6 ശതമാനത്തോളം ഇടിവാണ് രേഖപ്പെടുത്തിയത്.