നേമത്ത് പരാജയപ്പെട്ടത് ബിജെപി നേതാക്കളിൽ നിന്നും പണം വാങ്ങിയത് കൊണ്ട്; സിപിഎം ഏരിയാ കമ്മിറ്റിയിൽ വിമർശനം

തിരുവനന്തപുരം: മുൻ വിദ‍്യാഭ‍്യാസ വകുപ്പ് മന്ത്രി വി. ശിവൻകുട്ടി ഇക്കഴിഞ്ഞ നിയമസഭാ തെരഞ്ഞെടുപ്പിൽ നേമം മണ്ഡലത്തിൽ നിന്നും പരാജയപ്പെട്ടതിനു കാരണം പാർട്ടിയിലെ ചിലർ ബിജെപി നേതാക്കളിൽ നിന്നും പണം വാങ്ങിയതാണെന്ന് ആരോപണം.

സിപിഎം നേമം ഏരിയാ കമ്മിറ്റിയിൽ സംസ്ഥാന സെക്രട്ടേറിയറ്റ് അംഗം എം.വി. ജയരാജന്‍റെ സാന്നിധ‍്യത്തിലായിരുന്നു ആരോപണം ഉയർന്നത്. ഇതേ പറ്റി അന്വേഷിക്കാൻ പാർട്ടി കമ്മിഷനെ വച്ചാൽ കൃത‍്യമായ തെളിവ് നൽ‌കാൻ തയാറാണെന്ന് ചില അംഗങ്ങൾ യോഗത്തിൽ പറഞ്ഞു.

പാർട്ടി സംസ്ഥാന അധ‍്യക്ഷൻ എം.വി. ഗോവിന്ദനെതിരേയും വിമർ‌ശനമുണ്ടായി. ഗോവിന്ദൻ ഇരിക്കുന്ന കസേരയുടെ വലിപ്പം അദ്ദേഹത്തിന് അറിയില്ലെന്നും മാധ‍്യമങ്ങളോട് കയർക്കുന്ന പെരുമാറ്റം ജനങ്ങളെ പാർട്ടിയിൽ നിന്നും അകറ്റിയെന്നും ചില അംഗങ്ങൾ വിമർശിച്ചു.