വട്ടിയൂർക്കാവിൽ ബിജെപി സിപിഎം- സംഘർഷം; ബിജെപി കൗൺസിലർ അടക്കമുള്ളവർക്കെതിരേ കേസ്
തിരുവനന്തപുരം: വട്ടിയൂർക്കാവിൽ ബിജെപിയും സിപിഎം പ്രവർത്തകരും തമ്മിലുണ്ടായ സംഘർഷത്തിൽ പൊലീസ് സ്വമേധയാ കേസെടുത്തു. പൊലീസ് ഉദ്യോഗസ്ഥരെ ആയുധം ഉപയോഗിച്ച് ആക്രമിച്ചതിന് ബിജെപി കൗൺസിലർമാർ അടക്കമുള്ളവർക്കെതിരേയാണ് കേസെടുത്തിരിക്കുന്നത്.
കേസിൽ 15 ഓളം ബിജെപി പ്രവർത്തകരും 40 സിപിഎം പ്രവർത്തകരും പ്രതികളാണ്. വട്ടിയൂർക്കാവ് സിഐയെ ബിജെപി പ്രവർത്തകരിൽ ഒരാൾ മർദിച്ചെന്നും സീനിയർ സിവിൽ പൊലീസ് ഓഫിസർ ദീപുവിന്റെ തലയിൽ സിപിഎം പ്രവർത്തകർ കല്ല് കൊണ്ട് ആക്രമിച്ചെന്നുമാണ് എഫ്ഐആറിൽ പറയുന്നത്.
